Popular Bible Verses from JEJU TEĒ KUM JA̰A̰ 3

Share

Á̰a̰ā̰, m̄-ra ta róbə́ kújə́ tə́ ba m̄-gógə̄ ta kújə. Ré deē kógə̄ḿ oō ndūḿ ba teē ta kújə́ anī, m-ā m-údə gōn tə́ ō, m-ā m-ə́sá yá̰a̰ seneé ō, ni a əsa yá̰a̰ seḿ ō.

m̄-ger̄ kəla rāāí gə̄, adə̄ ḭ̄ i de kə́ ī-sɔl̄ aĺ ō, ī-təngā aĺ ō. Ba majə kadə̄ ī-sɔl̄, aláa ī-təngā tá. Adə̄ dan ń ḭ̄ ɔ̄bə̄ bumbə́ru, ba ī-sɔl̄ aĺ ō, ī-təngā aĺ ō ní, m-ā m̄-tōmbī kɔ̄ɔ́.

De gə̄ malang ń mā m̄-táŕdə́ ní, m̄-gɔŕyɔ̄də́ ō, m-ə́ndádə́ m-ɔ́jəńdə́ yá̰a̰ ō. I beé ní ī-təngā ba ī-tūr̄ hálí.

m̄-ger̄ kəla rāāí gə̄. Á̰a̰ā̰, m-ə́ya̰ ta róbə́ kógə̄ḿ adə̄ ra kə wōyōó noí tə́, ba deē kógə̄ḿ kə́ asə kutə̄ gətóo, tɔdɔ̄ tɔ́gí i ngá̰ý alé, ba ī-ngɔ̄m̄ najə̄ yāḿ ō, ī-mbātə́ rīḿ aĺ ō.

Deē ń a tetə rɔ̄ɔ̄ anī m-ā m-ādə̄ a ndi seḿ dɔ kōr̄ kāgə̄ mbang yāḿ tə́, tītə̄ ń mə̄kɔ́ m̄-tetəń rɔ̄ɔ̄ á m̄-ndiń kə Bɔbə́ḿ dɔ kōr̄ kāgə̄ mbang yān tə́ ō ní.

Tām̄ ḭ̄ ə́da na ə́ngé yá̰á̰ ngá̰ý ō, na ī-kán̄ yá̰a̰ kənge kə̄ dɔ naā tə́ ō, ndoō yá̰á̰ kógə̄ḿ na rāāī aĺ ō, ba ī-ger̄ kadə̄ ḭ̄ i de kə́ rɔ̄í tō ndoō aĺ ō, kumií to ndoō aĺ ō, ī-ndoō aĺ ō, kumií a̰a̰ loo aĺ ō, rɔ̄í i karī aĺ ō ní

Ḭ̄ ī-tə́gā taí ba ī-ngɔ̄m̄ najə̄ yāḿ ní, mā m-ā m̄-ngɔ̄mī kum mbang ń yá̰a̰ nāā a reē ń dɔ de gə̄ malang tə́ yā nāań de kə́ dɔ nang tə́ gə̄ ní ō.

M-ā m̄-reē ngɔr. Yá̰á̰ ń āwń ní, ə́hɔ́ sásáp na sōgə́ deē kógə̄ḿ taā jākā mbang yāí kɔ̄ɔ́.

Á̰á̰ já̰já̰ dɔ rɔ̄í tə́, ba gotə gə̄ ń na̰yn̄ á a rāān̄ yā koy ngɔr ní, ādə̄də́ tɔ́gə. Tɔdɔ̄ kəla yāí ń ī-rāā ta kum Nə́ɓā yāḿ tə́ ní, mā m-á̰a̰ kadə̄ majə ɔtə̄ kə taá alé.