Popular Bible Verses from PILIPƏ 2

Share

Ī-rɔ̄ɔ̄ī naā dɔ yá̰á̰ tə́ alé, ī-lōōī rāā yá̰a̰ kə kɔjə rɔ̄ɔ́. Ba ī-sɔlī dɔsí kə̄ no naā tə́ ō, sḭḭ̄ kógə̄ḿ kógə̄ḿ ní ī-rāāī madə̄sí gə̄ de kə́ bo tɔȳsí gə̄ tə́ ō. Ādə̄ deē sāā i yá̰á̰ kə́ yā kadə̄ a rāā majə kə rɔ̄n nəkɔ́ ngóy alé, banī sḭḭ̄ kógə̄ḿ kógə̄ḿ ní ī-gírī dɔ yá̰á̰ kə́ a rāā majə kə madə̄sí gēé tə́ ō.

Ādī háĺsí i háĺ Jeju Kərist.

Ni ō Nə́ɓā ō i de kə́ kógə̄ḿ beē gə̄. Banī kasə ń nin̄-asən̄ naā kə Nə́ɓāá ní, ni-aw̄ gírí alé. Nəkɔ́ əya̰ yá̰a̰ malang ń ni aw̄ń ní kɔ̄ɔ́ kə gō kem ndigə yānneé, ba tél ɓəlo. Ni-tél to tītə̄ de gə̄ ō, rāā yá̰a̰ i kə́ deē tə́ ō. Ni-sɔl̄ dɔn, adə̄ oō ta Nə́ɓā bátə́ oyń, oyń yo kə́ tū kāgə̄ kə́ dēsə́ tə́.

Tɔdɔ̄ Nə́ɓā rāā kəla kemsí tə́ ngándáńg, yā rāań kadə̄ sḭḭ̄ ásiī ndigə yá̰á̰ ń ni-núm̄ ní ō, rāā yá̰á̰ ń ni-núm̄ ní kə gōó ō.

I tām̄ ń toō tə́ n Nə́ɓā ɔsən kə̄ dɔɔ́ dɔ yá̰a̰ gə̄ tə́ malang ní ō, əndā rī kə́ tɔȳ gotə rī gə̄ malang dɔn tə́ ní ō. Yā kadə̄ de kə́ dɔ rā̰ tə́ gə̄ ō, dɔ nang tə́ gə̄ ō, gíŕ nángāá gə̄ ō malang ɓōlə́n̄ rī Jeju ba tétə̄n̄ kejədə́ nang tə́ ō, kadə̄ de gə̄ malang ədan̄ na Jeju Kərist i Kɔ́ɔ̄ɓē, yā kɔsəń gɔn Bɔbə̄n Nə́ɓā.

Ī-rāāī yá̰a̰ malang kanjə̄ yṵ́r̄ najə̄ ō, kanjə̄ kəhɔ naā najə̄ tə́ ō. Yā kadə̄ sḭḭ̄ i de kə́ kanjə̄ najə̄ dɔsí tə́ gə̄ ō, kə́ ūnjī njáý njáý gə̄ ō, ngáń Nə́ɓā kə́ yá̰á̰ kə́ majaĺ sḛ́ý gətóo dɔdə́ tə́ gə̄ kə́ ndin̄ dan de kə́ súmūú aĺ gə̄ tə́ ō, dan de kə́ nujə kɔ̄ɔ́ gə̄ kə́ dɔ nang ń toō tə́ ō. Majə kadə̄ sḭḭ̄ ī-ndə́lēī dandə́ tə́ tītə̄ tə́yō̰ gə̄ kə́ dɔ rā̰ tə́ beē

I beé ní kó tár yāḿ gə̄, dan ń mā i rɔ̄sí tə́ ní, sḭḭ̄ ōōī taḿ ngándáńg. Ba ngɔlaā ń m̄-gətóo rɔ̄sí tə́ toō ní, majə kadə̄ ōōī taḿ kadə̄ tɔȳ kə́ kété. Ī-rāāī kəla kə́ tām̄ yā kajə ń ajən̄sí tə́ ní kə ɓōló ō, kə rɔ̄ ndeweé ō.