Popular Bible Verses from HEBƏRO 1

Share

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

Kété ní Nə́ɓā ɔr̄ najə̄ kə kaají gēé kə̄ nja naā tə́ ō, kə ta róbə́ kə́ tayā gēé ō, i kə ta kūl̄ ngé koō ta gēé. Banī kem ndɔ̄ gə̄ ń toō tə́ ń i ta tɔ̄l̄ ta ndɔ̄ gə̄ ní, ni-ɔr̄ najə̄ sejí i kə ta kūl̄ Ngōnən. Ni-rāā yá̰a̰ malang i kə ta kūl̄ Ngōnən ní ō, i Ngōnən ní n ni gə̄rān kadə̄ ənge yá̰a̰ malang ní ō.

De kə́ dɔ rā̰ tə́ gə̄ malang i ndíl gə̄ kə́ ngé rāā kəla yā Nə́ɓā ō, Nə́ɓā əladə́ kadə̄ rāān̄ kə ngé gə̄ ń majə kadə̄ ajən̄də́ ní ō.

Ni-əda ɓáý to̰ na: Kɔ́ɔ̄ɓē, i ḭ̄ n ə̄ndā dɔ nang ta kəla gíŕ yá̰a̰ gə̄ tə́ ní ō, dɔ rā̰ i kəla kə́ ī-rāā kə jīí ō. Yá̰a̰ gə̄ ní a udən̄ kɔ̄ɔ́, ba ḭ̄ ā ī-ndi kə ndɔ̄ gə̄. Dɔ nang ō, dɔ rā̰ ō, a əsōn̄ ngísə tītə̄ yā kūbə̄ beé.