Popular Bible Verses from TEĒ 20

Share

Ɓē kə́ Ejiptə ń ḭ̄ i ɓəlo tū tə́ ní, i mā Kɔ́ɔ̄ɓē Nə́ɓā yāí ń m̄-teē seí kɔ̄ɔ́ kemeé ní. Ā ī-ndɔ̄ȳ nə́ɓā kə́ rang alé, i mā ngóy n ā ī-ndɔ̄ȳm̄ ní.

Ā údə ɓesə̄ kə́ to tītə̄ yá̰á̰ kə́rēý kə́ dɔ rā̰ tə́ aĺ ō, kə́ dɔ nang tə́ aĺ ō, kə́ kum man̄ tə́ gíŕ nángāá aĺ ō. Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

Ī-rɔȳ bɔbí nin̄ kə kó̰ó̰í, kadə̄ ī-ndiń kə kumií ta kaw̄ jóo dɔ nang ń Kɔ́ɔ̄ɓē Nə́ɓā yāí adī tə́ ní.

Ādə̄ dɔí ndígə̄nal dɔ ngɔ̄m̄ ndɔ̄ sabat tə́ tām̄ yāḿ tə́ alé.

Ā ī-ɓāŕ rīḿ kanjə̄ kumən alé, tɔdɔ̄ deē ń a ɓāŕ rīḿ kanjə̄ kumən ní, mā Kɔ́ɔ̄ɓē Nə́ɓā yāí m-ā m-ə́ya̰n karī alé.

Ā ī-rāā kəla yāí gə̄ malang ndɔ̄ mehḛ́, ba ndɔ̄ kə́ nge ko̰ sīrí i ndɔ̄ sabat tām̄ yā Kɔ́ɔ̄ɓē Nə́ɓā yāí tə́. Ndɔ̄ ń noō tə́ ḭ̄ ō, ngání gə̄ ō, ngé kəla yāí kə́ dəngam gə̄ ō, kə́ dəyá̰ gə̄ ō, yá̰a̰ kul̄ yāí gə̄ ō, tə̄rā kə́ nge nam̄ ń ndi ɓēé looí ní ō, ā ī-rāāī kəla alé.

Ā ī-ndə̄ngā yá̰a̰ yā madí, adə̄ i kújə yān aĺ ō, nə̄yá̰n al̄ ō, nge kəla yān kə́ dəngam al̄ ō, nge kəla yān kə́ dəyá̰ al̄ ō, man̄g yān aĺ ō, kərō yān aĺ ō.

Ā ī-sor̄ dɔ madí tə́ alé.

Ā ī-sāāī naā loo kaya tə́ alé.

Ā ī-tɔ̄l̄ deē alé.

Ā ī-ɓogə alé.