Popular Bible Verses from EPEJƏ 5

Share

I beé ní ī-ndájī Nə́ɓā kə́ ngáń kó tár yān gə̄ tə́. Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

I beé ní, ə̄ndāī ma̰ȳ háĺsí majə. Ī-lōōī rāā yá̰a̰ tītə̄ de kə́ ger̄ yá̰a̰ aĺ gə̄, banī ī-rāāī yá̰a̰ tītə̄ de kə́ ngáā gə̄. Dan ń ə́ngeī kum mbang anī, úniī ī-rāāiń yá̰á̰ kə́ majə, tɔdɔ̄ ndɔ̄ gə̄ ń jə-ndiī kemeé ngɔlaā ní majən̄ alé.

Ī-lōōī kadə̄ kasə rāāsí, tām̄ nge ń noō i ta róbə rāā yá̰á̰ kə́ gō tə́ aĺ gə̄. Ba ādī Ndíĺ kə́ Táĺ rosə kemsí. Ɔ̄rī najə̄ kə naá kə pā gə̄ kə́ yā ndɔ̄yń Nə́ɓā ō, kə́ yā tɔ̄ȳnəń ō, kə pā gə̄ ń Ndíĺ adə̄sí ní ō. Ə̄nīī pā gə̄ ɔ́siīneé gɔn Kɔ́ɔ̄ɓē kə ngarān̄g kemsí malang. Ī-ndadī Bɔbə̄jí Nə́ɓā ngándáńg tām̄ yā yá̰a̰ gə̄ tə́ malang kə rī Kɔ́ɔ̄ɓē yājí Jeju Kərist.

I beé ní, ī-lōōī rāā yá̰a̰ tītə̄ yā de kə́ kur̄ dɔdə́ gətóo gə̄, banī majə kadə̄ ī-gerī kum yá̰á̰ ń Kɔ́ɔ̄ɓē gḛy ní.

Sḭḭ̄ dəngam gə̄, ī-táriī nə̄yá̰sí gə̄ tītə̄ ń Kərist tárəń ngé taā kemən gə̄ adə̄ ni-adə̄ rɔ̄n tām̄ yādə́ tə́ ní.

Jóó ní sḭḭ̄ i kum til tə́, ba ngɔlaā sḭḭ̄ i kum loo kə́ unjə̄ kow tə́, sɔɔ̄ń ɓoo kə́ ī-ɓooī naā kə Kɔ́ɔ̄ɓēé. I beé ní, ī-rāāī yá̰a̰ tītə̄ ngáń kə́ kum loo kə́ unjə̄ kow tə́ gə̄.

Ōōī ta naā sɔɔ̄ń ɓōĺ ń ī-ɓōlíī Ndíĺ Kərist ní.

Ādə̄ dəyá̰ gə̄ rāān̄ tītə̄ ń noō kə ngaadə́ gēé ō, tītə̄ ń a rāān̄neé kə Kɔ́ɔ̄ɓēé ní.

Ba yā kɔr̄ń najə̄ kə̄ kété ngá̰ý aĺ ní, sḭḭ̄ tā a yāsí i kadə̄ sḭḭ̄ kógə̄ḿ kógə̄ḿ ī-táriī nə̄yá̰sí gə̄ tītə̄ rɔ̄sí sḭḭ̄ kɔ́ gə̄ ō, kadə̄ dəyá̰ ɓōĺ ndíl ngaan ō.

I tām̄ ń toō tə́ n dəngam a əya̰ bɔbə̄n ō kó̰o̰n ō ba a əhɔ gō nə̄yá̰n, yā kadə̄ nin̄ jōó télən̄ i de kə́ kógə̄ḿ beé ní.

Kəla kə́ rāā tilií gə̄ ń i kəla kə́ teē yá̰a̰ aĺ gə̄ ní, i-lōōī rāā sedə́, banī ī-teēī kə gíŕdə́ ndágá.