Popular Bible Verses from KOLOSƏ 1

Share

Nə́ɓā ɔr̄jí kɔ̄ɔ́ gíŕ tɔ́gə yā til tə́, ba əndājí kem Ɓē ko̰o̰ yā Ngōn̄ kó tár yān tə́.

Nə́ɓā rāā yá̰a̰ malang kə́ dɔ rā̰ tə́ gə̄gē, dɔ nang tə́ gə̄gē, i kə ta kūl̄ Ngōnən. Ni-rāā yá̰á̰ kə́ deē asə ka̰a̰ kə kumneé ō, kə́ deē asə ka̰a̰ kə kumneé aĺ ō. I kɔ́ɔ̄ ɓē gə̄ ō, ngé ko̰o̰ ɓē gə̄ ō, kōr̄ kāgə̄ mbang yādə́ gə̄ ō. Nə́ɓā rāā yá̰a̰ malang i kə ta kūl̄neé ō, i tām̄ yān tə́ ō.

Ni-ndi kété no yá̰a̰ gə̄ tə́ malang ō, yá̰a̰ malang to i kə ta kūl̄neé ō.

Ngōn̄ ní i kum gotə Nə́ɓā ń j-a̰a̰in̄ kə kumjí aĺ ní. I ni n i hágə́ yá̰a̰ malang ń Nə́ɓā rāā ní.

I tām̄ najə̄ ń toō tə́ n əla gír ndɔ̄ ń j-oōń najə̄ ń toō tə́ ní, jə-lōō ndɔ̄ȳ tām̄ yāsí tə́ aĺ ní. Jə-dəje Nə́ɓā kadə̄ rāā sesí, kadə̄ ī-gerī yá̰a̰ malang ń kemən ndigə ní, kə ta kūl̄ Ndíl ń i nge rāā kadə̄ kumsí edə̄ ō, kemsí ger̄ yá̰á̰ ō ní. I beé n háĺsí a rɔȳń Kɔ́ɔ̄ɓē ō, ā ī-rāāiń yá̰á̰ kə́ nelə̄n ō ní. Ā ī-rāāī yá̰a̰ malang kə́ majə ō, ā ī-gerī Nə́ɓā kum kə̄ kété kété ō.