Popular Bible Verses from 1 TESALONIK 5

Share

Ī-ndiī kə rɔ̄nelēé kə ndɔ̄ gə̄. Ī-lōōī gír ndɔ̄yɔ̄ɔ́ alé. Ī-ndadī Nə́ɓā dan yá̰a̰ gə̄ tə́ malang, tɔdɔ̄ yá̰á̰ ń Nə́ɓā sāā rɔ̄sí tə́ dan ń ī-ɓooī naā kə Kərist Jeju ní n noó.

Ādə̄ Nə́ɓā kə́ nge kadə̄ de gə̄ kem sɔl̄ lɔm ɔr̄ kamsí kɔ̄ɔ́ tū yá̰á̰ kə́ majaĺ gə̄ tə́ malang. Ba kadə̄ ni-ngɔ̄m̄ ndíĺsí ō, ngarān̄g kemsí ō, dā̰ rɔ̄sí ō, yā kadə̄ ndɔ̄ reē Kɔ́ɔ̄ɓē yājí Jeju Kərist tə́ anī, najə̄ gətóo dɔsí tə́. Nge ń ɓāŕsí ní a rāā tītə̄ ń noō, tɔdɔ̄ ni i nge ra dɔ ndūn tə́.

Á̰a̰ī majə tá kadə̄ deē kógə̄ḿ tél kə majaĺ kum gotə majaĺ adə̄ madə̄n alé, ba ī-sāāī loo rāā yá̰á̰ kə́ majə ngándáńg kə naá dɔ dáńsí tə́ ō, tām̄ yā de gə̄ tə́ malang ō.

I beé ní, ə́laī go̰ kem naā tə́ ō, ī-mbūsī naā ō, tītə̄ ń ī-rāāīneé ɓá ní.

Ngákó̰ó̰jí gə̄, jə-rāāsí ɓɔ́ ba ī-gɔŕyɔ̄ī ngé yay gə̄ ō, ə́laī go̰ kem ngé ɓōĺ gə̄ tə́ ō, ī-rāāī kə ngé tɔ́gə gətóo gə̄ ō. Ī-tə́gāī tasí dɔ de gə̄ tə́ malang ō.

Tɔdɔ̄ Nə́ɓā əndājí i yā kadə̄ wōn̄g yān əsō dɔjí tə́ alé, banī i yā kadə̄ j-ajiī kə ta kūl̄ Kɔ́ɔ̄ɓē yājí Jeju Kərist ń

Tām̄ sḭḭ̄ malang i ngáń kə́ kum loo kə́ unjə̄ kow tə́ gə̄ ō, ngáń kə́ kadaá gə̄ ō. Jḭḭ̄ i de kə́ ndɔ̄ɔ́ gə̄ aĺ ō, kə́ tilií gə̄ aĺ ō.