Popular Bible Verses from 1 MBAN̄G GƏ̄ 3

Share

Ní Kɔ́ɔ̄ɓē, ādə̄m̄ kem kə́ ger̄ najə̄ ādə̄ m̄-ndiń dɔ gír deē yāí gə̄ tə́ ō, kadə̄ m̄-gerə̄ń kɔr̄ kam̄ yá̰á̰ kə́ majə ō, kə́ majaĺ ō naā tə́. Tɔdɔ̄ kanjə̄ nge ń noō anī, de kə́ asə ndi dɔ gír deē yāí gə̄ tə́ gətóo, tām̄ nin̄ i ngá̰ý.

m-ā m̄-rāā yá̰á̰ ń ī-dəjem̄ ní: M-ā m-ādī kum kedə̄ ō, kem kə́ ger̄ najə̄ ō. M-ā m-ādī i kadə̄ kə́ deē ənge kété noí tə́ aĺ ō, a ənge gotií aĺ ō.

adə̄ ni-tél əda mban̄g na: Ḭ̄ ī-dəjem̄ i kutə ɓālīí kə́ kadə̄ reē ta madə̄ tə́ aĺ ō, i yá̰a̰ kənge aĺ ō, i yo madə̄ ba̰ā̰í gə̄ aĺ ō, ba ī-dəje i kadə̄ kə ī-ger̄ kɔr̄ kam̄ yá̰á̰ kə́ majə ō, kə́ majaĺ ō, naā tə́ yā ko̰o̰ń ɓē kə gō gēé ní

Tá yá̰a̰ gə̄ ń ī-dəjem̄ aĺ ní gə̄gē m-ā m-ādī: M-ā m-ādī yá̰a̰ kənge ō, kɔsə gɔn ō. Adə̄ bátə́ kadə̄ óyń ní, mban̄g kə́ tītīí a gətóo.

Tá ɓáý to̰ ní, ré ún gō róbə yāḿ gə̄, adə̄ əhɔ ndū najə̄ yāḿ gə̄ kemií tə́ ī-rāań yá̰a̰ ō, ī-rāā gō míndə gə̄ ń m-ə̄ndā dɔí tə́ kadə̄ ī-rāā ní ō, tītə̄ yā bɔbí Dabid anī, m-ā m̄-rāā kadə̄ ī-ndi kə kumií ɓāl̄ ngá̰ý.

Dan ń Salomo̰ i Gabaon ní, Kɔ́ɔ̄ɓē Nə́ɓā ndɔ̄bən kem nī tə́ dan ndɔ̄ɔ́, ədan na kə dəjen yá̰á̰ ń kemən gḛy ní na n-a n-adə̄n.

Ngɔlaā ní, Kɔ́ɔ̄ɓē Nə́ɓā yāḿ, i ḭ̄ n ə̄ndām̄ mā nge kəla yāí mban̄g gotə bɔbə́ḿ Dabid tə́ ní. Ba mā i ngōn̄ ɓáý, adə̄ m̄-ger̄ loo rāā kəla mban̄g alé.

Yá̰á̰ ń Salomo̰ dəje ní nel̄ Kɔ́ɔ̄ɓē

anī Salomo̰ tél əda Kɔ́ɔ̄ɓē na: Kɔ́ɔ̄ɓē, ī-rāā kem ndaa ngá̰ý kə bɔbə́ḿ Dabid nge kəla yāí. Tɔdɔ̄ ni-ra dɔ ndūn tə́ ō, kə́ gōtə́ ō, kə́ súmūú ō seí. Kem ndaa yāí kə́ ngá̰ý ní to gotoó tām̄ yān tə́, adə̄ ɓōólaā ādə̄n ngōn̄ kógə̄ḿ adə̄ ndi dɔ kōr̄ kāgə̄ mbang yān tə́ gotən tə́.

Tá m̄-ndi i dan gír deē yāí gə̄ ń ī-gə̄rādə́ ní tə́. Nin̄ i ngá̰ý, adə̄ deē asə tə́da kutədə́ kə gōó alé.