Popular Bible Verses from Roomawa 8

Share

U zɛ tɛttɔ vi kpai Ɗalapa pɛli vishonɛ tɔ̃vɨn shɔ gbeteyi ɔriiyitɔ, shɔgbete ɓai nya aru vigbete kasi pɛlinɛyɛ.

N zɛ tɛttɔ viwɔɔ yɛ vɔsiu ɓa au ɔrinɛni ɓa, ko vɔrɔ, ko suru, ko Ɗajashonɛlapayi, ko kpatiyi tot-tot i kaka, ko shɔ dɔdɔrim ko shɔ ɗekɨn. Ko koo gbete a lapa ko koo gbete a tipi, atette vigbete Ɗalapa shɛshi yɛ kpai, viwɔɔ yɛ zɛnɔɔ ɓa u vɔsiurɛ a ɔrinɛ gbete Ɗalapa pɛliu a ka Kirisi Yesɔ Uɓeyelapani ɓa.

Ji nankɔ Ɗa Suru arɛ u pɔ̃siunaa, u kaka ji yɛ ɓa, aru u ji zɛ nɔgbete u gaki Ɗa ɓa; ama Ɗa Suru au yuu gakiu Ɗalapa tɔ aru vigbete u nya zɛnɔɔ shanɛ dɔɔɓa.

A bilinɛ vim, u yɛ sha kɛnɛ iviya? Ɗalapa kɛ ɔ̃nɛ a ukɔni pi yɛ masinya pi ukɔni piya?

Shɔ gbeteyi pɛ kirisi Yesɔ ɓɛɛ yɛ, ruuyeenɛ ayuu vɔnɛ ɓa ai yuuni dɔdɔrim niɓa.

Sɔɔrinɛ sisɨn a vi gbete shɔzɛ pɛliyɛ n ti vɔnɛ; ama sɔɔrinɛ sisɨn a Ɗa suru n ti suru a ɔ̃nɛ binyatɔ̃nɛ.

A ɓuzɨn vim kpai Ɗashariu tɛttɔ kpai, shɔm a shɔgbete ɔriu yɛ kabii!

N zɛtɛttɔ raaɓoonɛ gbete ɔkɛ ɓoonɛ dɔdɔrim shɔyɛ tɛsi ɓa a Ɗalapa basinɛ gbete yɛ tasiu a ɗekɨn yɛ ni ɓa.

Pi yɛ vɔsiu kɛpi a ɔrinɛ gbete Kirisi pɛliuyɛ piya? Kɛ raɓoonɛ ya ko bintanɛ ya, ko ratasinɛ, ko nwo ya, ko raa, yaa, ko viyaa ya, ko vɔrɔ ya?

Ɗalapa shɔ gbete zɛu sisɨn tɛttɔ, zɛ vi gbete Ɗa Suru ã sisɨn tɛttɔ; aru Ɗa Suru gaki Ɗalapa tɔ ayuu u shɔbiiyini, ji naa gbete Ɗalapa sisɨn kasiyɛ.

Shɔ gbete Ɗa Suru tɛɛsiyi ɗekɨn yɛ i pɛ Ɗalapa jaayi.

Shɔ gbeteyi ɔ̃nɛ pɛ shɔzɛ vi pɛlinɛ, i sisɨn sɔɔ a vi gbete shɔzɛ kasiyɛ. Shɔ gbeteyi ɔ̃nɛ pɛ shɔ Ɗa suru, i sisɨn sɔɔ a vi gbete Ɗa suru kasiyɛ.

Ɗalapa ji zãriu u jaa ɓa, ama ã ɓɛjaa a shɔ gbeteyi nyɔyɛ naa aru ukɔ kpai! Ãu ɓɛjaatɛ yɛ zɛnɔɔ ɓa u ãu vi gãsiyi weze kpai nagbete ãu ɓɛjaa ɓaya?

Ɗa Suru ɓasiu yuu au suruni a tasinɛu pɛ Ɗa jaayi. U kɛ ɔ̃nɛ Ɗa jaayi kɔya, u yɛ kpaa vɔɔ susãri gbete Ɗalapa pɔ̃siu shɔbiiyitɔ, au yɛ kpaa vigbete Ɗalapa pɔ̃si Kirisi yɛtɔ, naa ukɛ ɓooranɛ a Kirisini nyazɔɔ, kɛɗɔn Ɗalapa yɛ ɓassiu jo a ukɔni a nyazɔɔ.

Shɔ gbeteyi sisɨn a vigbete shɔzɛ pɛliyɛ ɔ̃tɛ Ɗalapa shɔnɔpɔ̃, aru i ɡɨn Ɗalapa nya-ãsinɛ ɓa, i zɛnɔɔ gɨnnɛ ɓa.

Ɗa vishɛshinɛyi kpai i zassi bitɛ fɛ̃ɛm, i ɗɔgbete i gaa yɛ, nɛ Ɗalapa tasi shɔgbete i pɛ ɓɛjaayi yɛ pɛ.

U zɛ tɛttɔ anɛ dɔdɔrim vigbete Ɗa shɛshi kpai i ɗɔ gbeteyi nta kɔnɛ naa su gbete nta kɔnɛ a ɗɔ jaa yeenɛ.