Popular Bible Verses from Roomawa 6

Share

Arumkɔ ruuvini shori shɔ vi ɗɔnwanɛ a vɔrɔ; ama vigbete Ɗalapa ã shɔ wezɛyɛ ukɔ ɔ̃rɛ suru gbete sɔ̃ nya ɓayɛ a yuu ɓasi Kirisi Yesɔ Uɓeyelapa.

Ruuvini ukɔ ɔ̃nɛ ɔ shɔwɛrɛ; ɔ ji ɔ̃ ɓa tɔ̃ɔ̃ Musa nya ãsinɛ ɓa ama ɔ ɔ̃ a Ɗalapa vitɔ̃vɨng pɛlinɛ.

Naa shɔ pɛliu Batizimatɛ, ɔ̃ kɛ naa shɔ gbãu a Kirisi ni nyazɔ a ɗagbete vɔyɛ, nagbete shɔ yusi Kirisi a saa yɛ au ɓeye bassinɛ, ukɔ ma u ɔ̃ sɔ̃njo a suru sɔɔ ni.

Ɔ̃rɔɔtɛ kaka jazɨng akɔrɔ ɔkɔ ã ruuvini << kabii wɔɔnɛ aru vigɔ̃nlɔrɔ pɛlinɛni. Kɛ ɔ̃nɛ ɗɔkɔ ɔ ã yuu a Ɗalapa bi, naa shɔgbete shɔ yusiyi a vɔrɔ anɛ suru, a ã yuu piti kpai a Ɗalapa bi aru gbete u shɔ shovi tɔ̃vɨn a wuniyɛ.>>

U zɛtɛttɔ u ɔ̃nɛ kpali, pɔ̃tɛ u vɔtɛ kirisi a kaa naa ɓanɛ laa, a nɔgbete kaka ruuvini gbete u pɛliyɛ u lɛsirɛ, aru uyɛ ɔ̃ jaa foo ruuvini tɔɓa.

Ji nankɔ a kpaa sisɨntɔ aa yuuni nɛmpɛ vɔrɔ, naa ruuvini ruubii ji nankɔ, ama ɔ ɔ̃ ɔ̃nɛ binyatɔ̃nɛ a Ɗalapani a kaa Kirisi Yesɔ kabii.

Kɛɗɔn u yɛ shakɛnɛ iviya? U yɛ ɗekɨn a ruuvini pɛlinɛ ni aru Ɗalapa vitɔ̃vɨng pɛlinɛ u shakɛtɔ ya? Nn, ɓa ɗɔkɔ ɓa! U shɔgbete u vɔ a ruuvini u yɛ ɔ̃ kɛpi kovi a yɛti ruuvini viya?

Nizɛ kɔ ɔ zɛtɛttɔ ɔkɛ ã yuunɛ naa jafoo nɛn gɨn shɔwɔɔ nya, ɔ pɛ jafoo nizɛ kɔ a shɔwɛrɛ gbete ɔ gɨn u nyayɛ ɗɔbiini ko ruuvini, gbete yɛ sɨnrɛ ɔ vɔyɛ, ko shɔ nya gɨnnɛ, gbete yɛ pɔ̃rɛ ɔ ɔ̃ a Ɗalapani nyazɔ.

Ama dɔ̃rinɛ yɛnɛ Ɗalapa ɗekɨn! Ko aɗagbete ɔ sipɛ jafoo a ruuvini naani, ɔ gɨn nyautɛ a sisɨn ni piti kpai aru vitɔ̃vɨng gbete ɔ kpaa a yɛti vigbete shɔ matɔɔyɛ ɔ tɛyɛ. Shɔ rawɔtɛ a ruuvini naani, ɔ rikɛtɛ jafoo a ruu vitɔ̃vɨng pɛlinɛ.