Popular Bible Verses from Roomawa 12

Share

Ɔkɔ ɓusi jakɨntimiyi vitɔ̃vɨng gelinɛ nɛ, ɔ yaa ɔ ruuvini pɛlinɛtɔ, ɔ kɔsi sisɨntɔ awɔ nyaba ɔ̃nɛ piti kpai, nɔgbete ɔyɛ zɛ vigbete Ɗalapa kasi nɛɔ pɛliyɛ, ukɔ ɔ̃rɛ vigbete tɔ̃vɨn a nyaba gbete Ɗalapa kasiyɛ piti kpai.

Kɛɗɔn masayi aru Ɗalapa shɔ raantanɛ pɛ̃niba n gaki ɔtɔ ɔ ã yuutɔ: ɔ ɔ̃ a suru ni wɔsɔ-wɔsɔ gbete Ɗa yɛ tɛɔ yɛ, aru shɔmkɔ ɔ̃rɛ Ɗalapa shɔ vɔ susari tasinɛ nizɛ.

Ɔ sisɨn pɔ̃nɛu u ɔ̃ yɛti puru, ɔkɔ yɔriyunɛ awɔ yukɔnɛuni ɔ gaki Ɗalapa tɔ a lee-lee.

Ɔkɔ ya rukɔ̃linɛ u rawɔ sisɨnrɛ, ama ɔ yiki rukɔ̃linɛ a vitɔ̃vɨng pɛlinɛ.

Ɔ ɔri zɔtɔ a zɔ basinɛni waanɛ nagbete kirisa i pɛliyɛ.

Zɔ ɔrinɛ ukɔ ɔ̃rɛ vitɔ̃vɨng pẽniba. Ɔ bɛ̃ɛ̃ rukɔ̃li a ɔ̃ vilanɛ yɛ tɔ, ɔ sã ɓɛjo nyaba tɔ̃vɨn pɛlinɛ.

Ɔ pɛli jo vigbete ɔyɛ pɛliyɛ ɔ ɔ̃ ɔ̃nɛ binyatɔ̃nɛ a kopiya ni.

Ɔkɔ kɔsinɔ vikɔ̃linɛ gbete mɛsayi pɛlɔɔ yɛ nɛ, ama ɔkɛ kɔsinɔ nɛ ɔ yaa Ɗalapa u kɔsɔɔ nɔɔrɛ, aru Ɗalapa nyaruubii shatɛttɔ nɛ, <<N yɛ kɔsiyi nɔɔtɔ Ɗalapa sharɛ.>>

Ɔ ɔ̃ shɔ vishonɛyi ɔkɔ ɔ̃nɛ pnzɛ̃, ɔ pɛli Ɗalapa vishonɛtɔ naa shɔgbete ãu surutɛ au biini piti kpai.

Aru vitɔ̃vɨng gbete Ɗalapa pɛliyɛː N nwarɔɔ nya jo au yuukɔ nɛ ɔkɔ tun yuu nɛ u tɛɛ kaka, ama nɛ pɔ̃n sisɨn ãnɛ jo nɛu ɔ̃ nagbete Ɗalapa ã yɛ.

Naa shɔwɔ kɛ pɛlaɔ vikɔ̃linɛ nɛ, ɔkɔ kɔsi nɔnɛ. Ɔ nta pɛlinɛ jo vigbete kopiya tunɛ nɛ pɛ vitɔ̃vɨng yɛ.

Ɔ ɔ̃ ɔ̃nɛ binyatɔ̃nɛ a zɔni, ɔkɛ ɔ̃nɛ shɔ yuu tunɛyi, ama ɔ shoji vigbete yɛ rawɔ yuu piti kpai yɛ. Ɔkɔ tasaɔ yuunɛ naa ɔpɛ shɔ sẽrẽẽyi.

Naa kɛ pɛli vimnɛ, nɔgbete Ɗalapa nyaruubii sharɛ nɛ: << wɔ̃ɔ̃ kɛ sɨn mɛshɔnɔpɔ̃yi nɛ ɔ ãi vishaanɛtɔ i shaarɛ; I kɛ ntaa sutunɛ ɔ ãi miitɔ i boorɛ; Naa ɔkɛ pɛliyi vimnɛ nam i sisɨn yɛ tootɔ a yusẽẽni pẽniba.>>

Ɔ gaki Ɗalapa tɔ u tasi shɔgbete i bɛ̃ɛ̃ wɔ ruubii anɔni vɔ susari abiini- Nn ɔ gakiutɔ u tasiyi vɔ susãri abi ɓanɛ nɛu wiritɔ ɓa. Ɔ nta yɛti purutɔ a shɔgbete i nta yɛti puru yɛ ni wɔsɔ̃n ɔ sɨntɔ a shɔgbete i a ɗɔɔ sɨnnɛ yɛ ni.

Ɔ vasiɔɔ vinaatɔ a mɛzɔ kirisa gbeteyi ɓɛɛ ɓa yɛ ni, ɔ tɛɛ shɔzati i naatɔ awɔ wɛrɛni.

Ɔ gbɔki aɗɔ abiini waanɛ, kopi gbɔki shopiya i vishonɛ ji ɗɔn a kɨ̃nkɨ̃n piti kpai. A nyabamkɔ nagbete u waanɛm upɛ yɔpɔ gbete a kirisi ɗɔbiini, u dɔsitɛ u ɔ̃tɛ gbete piti kpai a gãsiyini naa u gboki bi gbete.