Popular Bible Verses from Roomawa 10

Share

Akɛ shanɛ a nya nɛ, Yesɔ kɔ ɔ̃rɛ Uɓeyelapa aa ã sisɨn nɛ Ɗalapa yusiutɛ a sàà, Ɗalapa yɛ raatɔ.

Ji aru sisɨn ãnɛ kɔ u ɔ̃kɛkɨn tɔ̃vɨn a Ɗalapa ɗekɨn ni; ji a nyakɔ shɔ gbete kɛ geli shɔwɔ nɛ nɛn gɨn Yesɔ tɛ Ɗalapa yɛ rautɔ.

Aru nankɔ shɔ nta ji ruukɔ shɔ a sisɨn kn, shɔ nta ruu sɔ̃n ji ayuu nyanwanɛ Kirisikɔ.

Ɗanyaruubii shanɛ, <<Kopiya gbete kɛ ã sisɨn nɛ au biini shɔ yɛ ãwu yusẽɓa.>> Shɔm sã kopiya, aruiviya ko Yahudawayi ko shɔ gbete ɓa Yahudawayi ɓa i vɔsinɛ ɓa a ɗɔmɓa; Ɗalapam gbete ukɔ ɔ̃rɛ kopiya Uɓeyelapa, ukɔ tasi shɔ vɔɔ susãrirɛ a bi kpai shɔ gbete kɛ ɓaa nyanɛ au ɗɔbii. Ji nagbete Ɗanyaruubii shayɛ nɛ,<< Kopiya kɛ ɓaa nyanɛ a Uɓeyelapa nii aru napɔ̃sinɛ, Ɗalapa yɛ rautɔ.>>

Shɔ yɛ nwa ruu kɛpikovi naa shɔ ji sho Jashonɛyi ɓa viya? Ji nagbete Ɗanyaruubii shayɛ nɛ,<<Yɛ ɔ̃ vibiizaanɛ pikoviya jashonɛyi kaanɛ shɔ gbeteyi i n ti ruu tɔ̃vɨn yɛ!>>

Ama i kɛ tɔnɛu pɔ̃siyinaa i yɛ ɓau nya kɛpikovi i ji ã sisɨn ɓau biini ɓa viya? A i yɛ ã sisɨn kɛpikovi i ji nta ruu ɓa viya? Toti i yɛ nta kɛpikovi naa shɔ ji nwariyi ruu ɓa viya?

Aru Kirisri kɔ shiri vishonɛ pɛlinɛrɛ a nya-ãsinɛni, nɔgbete kopiya kɛ ã sisɨn nɛ aɗɔn u kpaa ɔ̃nɛ tɔ̃vɨn a Ɗalapa ɗekɨn.