Popular Bible Verses from matiyu 24

Share

Aruumkɔ ruu kɔ̃linɛ yɛ sãti koo waanɛ gbete yɛ pɔ̃ shɔzɛ waanɛ i ɓɛzɔɔ ruubii ɔrinɛ rɛ. Ama shɔgbete kɛ shinɛ dɔɔ ka ziti yɛnɛ lee nya sɔ̃nɛ yɛ raa naa tɔ.

Shɔyɛ nwa Ɗalapa nya ruu bii piti kpai akoo aruu Ɗa kpati roone, aruu shɔ shinɛ laduru piti kpai, kɛdɔn koo yɛ yisi nya kɛkn.

Ɔ yɛ ntaa ruu sɨng aɗɔ māāni a ɗɔɔ kpɛlɛ ni, ama ɔkɔɔ nta setinɛ. yukɔnɛm piti kpai yɛ ɔ̃tɔ, ama ji tasiɓa nɛ koou sɔ̃ɔ̃ nya tɛ gboti ɓa.

Shɔgbete i a tipi wɔɔ iyɛ waa ɓaa a shɔ tipi wɔɔ, shɔgbete i kpati wɔɔ tipi i yɛ waa baa bɛzɔɔ kpati wɔɔ shɔ dɔlaa. Shɔzɛ waanɛ i vɔli waanɛ aruu wɔ̃ɔ̃. Vimkɔ yɛ ɔ̃ naa jaa yeene gbete gaa shɔ kɔnɛ yɛ.

Kolapa a koo mini yɛ tɛɛ tɔ, ama n ruu yɛ tɛɛ ɓa.

Shɔzɛ waanɛ iyɛ a ang nii, iyɛ yee nya nɛ, <<N kɔ pɛ kirisi, i yɛ ɗakki shɔ waanɛ ang nii.>>

Kɛɗɔn shɔ yɛ sãwɔrɛ a ãwɔ shɔ -shɔ raa tasinɛyi anaa i nyo ɔ vɔrɔ, kopiya kpai iyɛ ɓɛ̃ɛ̃ ɔ ruubii ang yuu. Shɔzɛ waanɛ i yɛ yaa sisɨn ãnetɔ aɗawuni, i yɛ mɛli zɔ̃tɔ a bɛ̃ɛ̃ zɔ̃rɛ. Ɗa jashonɛ nya yeenɛyi waanɛ, i arɛ i ɗaki shɔzɛ waanɛ.

Yesɔ kasi nya nɛː <<Ɔ kn nɔɔ tɔ̃vɨng ɔkɔɔ yaa shɔne shɔwɔɔ ɗakkɔɔ rɛ.>>

Aruumkɔ kopi dii shɔpiya ɔ ɔ̃ a nɔkãkãri, aruu Yesɔ shɔzɛja yɛ a ɗagbete ɔ ji pɔ̃ ɓa a sisɨn ni ɓayɛ.

<<Aruumkɔ ɔ ɔ̃ nɔkãkkãri, aruugbete ɔ ji zɛ dii gbete Uɓeyelapa yɛ ayɛ ɓa.>>

<< Shɔwɔ ji zɛ diiu ɓa a ɗauni ɓa, ko Ɗa jashoneyi a kolapa, ko Ɗa jaa ma ji zɛ dii gbete vim yɛ pɛliyɛ ɓa, see ji Ɗalapa kɔ sheeli.>>

Kirisi nya yenɛyi ashɔ nya yenɛ Da jashonɛyi iyɛ arɛ pɛli vibii zaanɛ a ɗaki shɔ piti a shɔgbete shɔ lɔri yɛ ni naa shɔ si yarɛ neu ɔ̃ nankɔ yɛ.

Yesɔ shɔzɛja anɛ yɛ ɔ̃ naa vigbete kpaa shɔ a ɗaa Nuhu yɛ. Aɗagbete mii sãnɛ siji aɓayɛ, shɔ shaavitɔ a ɓonɛni, vɔshɔ a soroni i tɛ zɔtɔ, anɛ a dii gbete Nuhu to girgi yɛ; I nɔɔ ji ɓeli ɓa, anɛ ɗagbete mii sãnɛ arɛ a seyi piti kpai. Yɛ ɔ̃ jinankɔ ɗagbete Yesɔ shɔzɛja yɛ sɔyɛ.