Popular Bible Verses from oMatiyu 24

Share

Otu bibi ya go ohobu, imu ni ase gbo ikweyi kiyiwa ni ya sha, ase ni ke zotu kotata gesese aba ngma nu.

Kweyi aba tono koshu neshi ko Obula ko Owuso ge ebebenya ese mani shini ana pwo, ome ese ya kweyi la.

Ala ba pwela kefu kpa amo kefu kpokpo, ala ka yoshi lo. Awoza mani ba gbodagye, oke wo okweyi kese lalo.

Okpagye oye ba kpefu kpo okpagye oye, obula oye ba kpefu kpo obula oye. Ase ba ngme emye ebebenya kweyi okpagye ya ja jigi-jigi agye gogo-gogo. Kpiri ko oza mani wo kwotu ko owe pini yoma.

Iso kpo okpagye ya shuga, ela hin ke ya shuga lo.

Ase nwashika ba wa kpi iye hin, aba kamo, <Ami wo Okristi la.> Aba gyase nwashika egya gowe labi.

<<Ishi oni aba yala dawa shini ana dala egye, kweyi ba yala ngmo, kweyi ananoho ba yanya kala ikweyi hin ese mani. Ipu kishi oni ase nwashika ba kwikye itikpi sho otuse wa. Ase ba tiyiwa anyi kweyi ba yiyiwa yi ra. Awobane ko kame nwashika ba wa, kweyi wa gyase nwashika egya gowe labi.

Oyesu ka da awa mo, <<Ala gbera ela koni ashishe na ka bya ala gowe labi lo.

Ikweyi koni ala bagye kpe era. Oyi ka Asuse ya wa ishini ala ba gye lo ni.

<<Mani oni, ala gbera! Ikweyi koni ala gye eno ni Adole kala ya kwikye ya wa ni lo.

<<Ashishe gye eno kwe ishi oni lo, kwa ayoleho ko Owuso ni bi iso ni, kwe Oyi lo, ke sa Ada nu fufunu.

Koni Okristi ko kame kpa awobane ko kame ba wa kpo oyi ba wa yo oza ki igbashi shini ana gya ase egya kawase ni Owuso shu ni owoni aba gege.

<<Byoni ogbodagye ishi ko Onuhu ni, mamani oki ya gbodagye ishi ko wowa ko Oyi ka Asuse. Ishi oni, ome inyo nawa ye ese re, ase ba roza ba gwinyi. Ango ba gbanya, aba bya anya go oda ko oba, gbi ishini Onuhu gipu ko owu; ashishe gyo oza ni ya gbodagye ni lo gbi ishini inyo wa yuwa pe ga. Oya lemani ishini Oyi ka Asuse ya kwikye ya wa ni.