Popular Bible Verses from Oroma 8

Share

Ki yitu tee mu kiya ingyinangyina Ukpo ee wo ɛduma iyeshi laa enzu umba bɔkɔ o pwu idɛnyi wu, umba bɔkɔ uwu a ya mba ma mu ewo iyi bɔkɔ Ɔkwu a gyi.

Moo Imi mi yitu te kiya kinyinyi ki do nzu i kama mbala idɛnyi wu mo, kala lukwu naa kwunyɔ, naa alɔgbulɔ umba Ukpo, naa eyo umbeyi, laa kekelele naa kwu ta kwu sheye keyi, naa ekpasu iyinayina, naa ɛzhi iyoshi, naa indomo, naa apula iyi bɔkɔ o wo yi lɛɛbi, iyi bɔkɔ ii do te ii ka nzu ma mbala idɛnyi iyi Ukpo iyi bɔkɔ i yi mu Okrasi Ɔzhizɔsi Ɔkwu nzu, i yi mo.

Tatayi gba Kwundu a mbwa nzu ma mu inyashi nzu le. Moo ki yitu ewo iyi bɔkɔ i fate la ki lɛ Ukpo mo. Kwundu mafyi wu gba a kpa ɛshɛku laa Ukpo kwuwo nzu la ibɛma iyi bɔkɔ kenzu ke do yi isomo mo le.

Kwuwo kwɔlɛ ki so tee fo, akwiyi gba Ukpo e yi mbala nzu, uwe bɔkɔ e do ewa ikirimo mbala nzu?

Kwuwo kwɔlɛ, enzu umba bɔkɔ o yi mu Okrasi Ɔzhizɔsi o ngbɛ mba ombuwoyi fo.

I shi egbo mu apula iyi ɛnwu i bo la lukwu, i shi egbo mu iyi Kwundu ba i bo la kwunyɔ mbala idigbomo.

Ayi mo, mu apula ɛlɛ lɛɛbi ki bima i zɛ mu onzu uwu bɔkɔ e pwu idɛnyi nzu awu!

Mi ma yi tee inyashi iyi bɔkɔ ki yi mu i mama le, o manda yi mbala inzumbɛku iyi bɔkɔ ki bi fya yi mu keyi le mo.

Uwe bɔkɔ aa ka nzu ma mbala idɛnyi iyi Okrasi? Inyashi naa kinɔ naa rigɔ naa rewa naa lonzu naa uzhi widɔ naa iyi ilomo naa lukwu ŋa?

Ukpo uwu bɔkɔ e feyi mɛzhi iyi egbo iyi onzu awu, e yitu iyi egbo iyi kwundu, kwuwongu kwundu a kpa ɛshɛku la Ukpo kwuwongu enzu wu ewo iyi bɔkɔ Ukpo a gyi.

Enzu umba bɔkɔ Kwundu uwu Ukpo e to mbo keyi akwu ɛmɛ umba Ukpo.

Enzu umba bɔkɔ o yi mu luzɛ mu iyi ɛnwu bɔkɔ i gyi bi awu o shi egbo mbo mu kiya ingyi bɔkɔ ɛnwu mba i gyi; enzu umba bɔkɔ o yi mu luzɛ mu iyi bɔkɔ Kwundu a gyi ba o shi egbo mbo mu iyi bɔkɔ Kwundu a gyi.

Ukpo a nyi nzu Umɛ wu ma mo, a ra wu e shi nzu lɛɛbi, ii wo te bɔkɔ akwu apula lɛɛbi e shi nzu rɛshi mo?

Kwundu uwu Ukpo mafyi wu e kyo mbala kwundu ungwa nzu a zɔ tee ki kwu ɛmɛ umba Ukpo. Mate bɔkɔ ki kwu ɛmɛ le, kii fya iyeshi iyi bɔkɔ Ukpo e sheyi laa ɛmɛ wu awu, iyeshi iyi bɔkɔ Ukpo e shi yi laa Okrasi awu kii fya yi tete, akwiyi gba ki ma inyashi mbala Okrasi, kii fya inzumbɛku wu.

Akwiyi gba enzu o shi egbo mu apula iyi ɛnwu o vindɔ enzu umbeyi umba Ukpo. Moo o lomo laa ɛrama iyi Ukpo mo, ba o do yi iwomo mo.

Moo apula lɛɛbi i yi mu igyakpɔɔ kaa li rigbo laa kwɔfyi ungwu keyi kwuyengwu bɔkɔ Ukpo a zɔ umbana bɔkɔ akwu ɛmɛ wu.

Ki yitu te apula iyi bɔkɔ o wo yi le lɛɛbi i yi mu ibɛma nzhii ba ɔnɛ te kyamate ofya umbu kwomba tayi.