Popular Bible Verses from Oroma 6

Share

Moo rigbɛ ingyi ingbomo akwu lukwu, rɛshi ingyi Ukpo ba akwu kwunyɔ ungwɔkpɔ mu Okrasi Ɔzhizɔsi Ɔkwu nzu.

Ingbomo li rɛsu yi mo, moo lu yi mu ɛrama mo, lunyi ba lu yi mu esheshi iyi Ukpo ŋa.

O pwu nzu mo mbala wu i zɛ mu obatisima akwɛyi ki kyo mu lukwu wu, kyamate bɔkɔ o yi Okrasi moo mu lukwu i zɛ mu inzumbɛku iyi Ada awu, kaa la ki zɛ luzɛ undepo.

La lu to ɛnwu yi kaa lu shi ingbomo, kaa lakwu kiya ingyi ɛduma iyira iwomo mo. La lu ra la ɛnwu yi lu shi Ukpo, mate umba bɔkɔ o wa mba ma mu lukwu o bomo mu kwunyɔ tayi; la lu rala ɛnwu yi ngyɔ la lu shi Ukpo kaa lakwu kiya ingyi ɛduma iyi ototo.

Moo ki yitu tee ari iyekyi o kpa wu mu kwuwɛyi ungwu lukwu mbala Okrasi-a, kaa ɛnwu nzu iyi ingbomo ɛnyi lo ngbɛ yi ma, kaa la ki kwu enye umba ingbomo fo.

Uŋɔ tete yese ɛŋɔ te ŋɔ kpomo laa ingbomo o, iyimo ŋɔ ba lakwu kwuwongu Okrasi Ɔzhizɔsi ŋa.

Ki so te fo, la ki le mu ingbomo kaa esheshi iyi Ukpo li kyomo? I yi tayi mo ndii! Ki kpomo mu ingbomo o i wote bɔkɔ ki gba ki zɛma ma yi kpɔ?

Lu yitu te gba lu rala ɛwu yi lu shi onzu akwɛyi lu lo wu mo ta enye te, lu kwu enye umba onzu uwu bɔkɔ lu lo wu mo awu - luu kwu enye umba ingbomo iyi bɔkɔ i re la onzu mu lukwu, naa ilomo iyi bɔkɔ ii shi yi luu yi ototo mbaa Ukpo ŋa?

Ukpo ba le yi ɛnyi! Lunyi umba bɔkɔ lu kwu enye umba ingbomo dɛ-ɛ le, lu na ɛzɔ iyi ongbulolo iyi bɔkɔ o shi yi kekelele mu egbo ikpɛnyi. O wa yi ma mu ingbomo akwɛyi lu vindɔ enye umba kiya ingyi Ukpo a gyi.