Popular Bible Verses from Ɔzhɔnu 6

Share

Akwɛyi Ɔzhizɔsi a gba mba opwu tee, <<Imi gba mi kwu kiya ingyirimo ingyi kii shi kwunyɔ le. Enzu uwu bɔkɔ e bo munyi mi lonzu lu ngbɛ wu ma mo, enzu umba bɔkɔ e fulo idu ma mi ugbembi u wo wu wu ma mo.

Kwundu uwu Ukpo gba ee shi kwunyɔ le; ɛnwu ba i do kiya kinyinyi i womo mo. Iso iyi mi so yi ele akwu Kwundu ba akwu kwunyɔ.

La lu wo ɛduma kwuwongu kiya ingyirimo ingyi bɔkɔ ki tutumo le mo, la lu wo ɛduma kwuwongu kiya ingyirimo ingyi bɔkɔ kii shi onzu kwunyɔ ungwɔkpɔ, Imi Umɛ uwu Onzu gba mii shi yi le. Moo Imi gba Ukpo Ada e shi mi ekpasu le.>>

Moo egbo iyi Ada mi i yi tee, onzu uwunawuna uwu bɔkɔ a bɔ eyi mu Umɛ awu bɔkɔ e fulo idu ma wu aa fya kwunyɔ ungwɔkpɔ, Imi ba mii yi wu mo ɔnu uwu kwɔfyi ungwu imbwama.>>

Ɔzhizɔsi a gba mba opwu tee, <<Ɛduma iyi Ukpo akwu tee: la lu kwu idu lu fulo mu onzu uwu bɔkɔ Ukpo a lɔ wu e bo awu.>>

Enzu umba bɔkɔ Ada e shi mi lɛɛbi ɔ nyɔ munyi mi, Imi ba mii na onzu uwu bɔkɔ e bo munyi mi

Ɔsamɔ Opita a gba wu pwu tee, <<Ɔkwu ki re mba we? Uŋɔ gba ŋɔ yi iso iyi kwunyɔ ngwɔkpɔɔ le.

Imi gba mi kwu kiya ingyirimo ingyi kwunyɔ ingyi ri wɔ moshi. Onzu uwu bɔkɔ e ri kiya ingyirimo ngyɛngyi, ee yi kwunyɔ ungwu ɔkpɔ. Kiya ingyirimo ngyɛngyi gba akwu ɛnwu mi iyi bɔkɔ mii shi yi kaa enzu umba kwudu kwɔlɛ lo yi kwunyɔ le.>>

<<Gba akwu onzu uwu bɔkɔ Ada uwu bɔkɔ a lɔ mi awu a pya wu e bo munyi mi mo; i yi onzu uwu bɔkɔ a nyɔ munyi mi mo, Imi ba mii yi wu mo ɔnu uwu kwɔfyi ungwu imbwama.

Moo onzu uwu bɔkɔ a wɔ moshi e bo le gba akwu kiya ingyirimo ungyi Ukpo le, uwu gba ba ee shi enzu umba kwudu kwɔlɛ kwunyɔ le.>>

Imi gba mi kwu kiya ingyirimo ingyi kwunyɔ le.

Ɔzhizɔsi e to eburedi ɛlɛ ma, akwɛyi a gbɛlɛ Ukpo ɛnyi akwɛyi a ka ngwu ma la enzu umba bɔkɔ ɔ ŋɔma mɔmɔ, i kyo emu tete. Uwewe a fya mate egbo wu i gyi. Tabɔkɔ o ri bɔkɔ ubu e do mbo mo, Ɔzhizɔsi a za la Wavɔngɔkiya wu tee, <<La lu kpala ebwebwede iyi bɔkɔ i shimo awu ɛlu kaa lo fu mbo mo mo.>>

kwuyengwu bɔkɔ o pɛ kwoda mate ata ederi ɛrɛnyi mbala erewo te, akwɛyi o ma Ɔzhizɔsi te e yi mu luzɛ mu kadu unga embi a gba mbaa kwoda; akwɛyi iyi i wo mbo mo. Ɔzhizɔsi ba a za mba tee, << Akwu imi; la lu riyi mo.>>