Popular Bible Verses from Ɔzhɔnu 17

Share

Wulu mba ma mu ongbulolo; iso ŋɔ akwu ongbulolo uwu iso ŋɔ izɔma.

Kwunyɔ ungwɔkpɔ kwɔlɛ: akwu kaa lo yitu ŋɔ te, uŋɔ kɛɛkyi gba ŋɔ kwu Ukpo ongbulolo le, mbala Ɔzhizɔsi Okrasi, uwu bɔkɔ ŋɔ lɔ.

<<Ukpo ilɛma mi akwu kwuwo mbo kɛɛkyi mo. Mi lɛ Ukpo kwuwongu enzu umba bɔkɔ o kwu idu lu fulo ma mi i zɛ mu ilɔ iyesheshi mba. Mi lɛ Ukpo te lɛɛbi mba o kwu wakpɛnyi. Ada, kyamate bɔkɔ uŋɔ ŋɔ yi meka mi, Imi ba mi yi meka ŋa awu, umba tete lo yi meka nzu kaa kwudu kwɔlɛ lakwu kwu idu lu fulo te uŋɔ ŋɔ lɔ mi ma.

Mi lɛ te ka wa mba ma mu kwudu kwɔlɛ mo, uŋɔ ba gbo mbo mo mba Onzu uwoyi awu.

Mi shi mbo inzumbɛku iyi bɔkɔ ŋɔ shi mi awu, kaa lo kwu wakpɛnyi kyamate bɔkɔ uŋɔ mbala mi ki kwu wakpɛnyi awu: Imi mi yi ma ŋa, uŋɔ ba ŋɔ yi ma mi. Kwuwongwu kaa lo kwu wakpɛnyi kaa kwudu kwɔlɛ lakwu yitu te ŋɔ lɔ mi ma akwɛyi mi pwu idɛnyi mba kyamate bɔkɔ ŋɔ pwu idɛnyi mi tayi.