Popular Bible Verses from Roomeke Manni'a 8

Share

Mageno eeyakeri'a isixxe fedhisha ye'emeekeri'a Magen yaane duuchchi insa'ne'a eloxxe kaddasha assaaxxa egen'enen.

Reyoteena kaddo hedho, ergana kaddo duriisa xungot kaddo dhi'mo yookaan hiini dadana Gootti no'ok Yessuusi Kiristoosi darre'n alfinenexxe Mageniinxe eeyuntenaa'n mittichinna no'oo gargar hissachi hedhebaaxxa wo'meenen.

Iittanni Hafuur ifi gonphe no'oxxe'n no'o'o gargaraan; no'o hitta soodata haasissaqico ege'nagonbe'no; Hafuur kinni tennete hiyyeme haaso'emabaake ornni no'oxxa bado aadinoti no'o'a sodataan.

Yoona tenne yaane'a maa hinanno? Mageni no'onni welti hedhoole ayyete no'o gareera?

Tennexxe Yessuus Kiristoosi'n hedheekri'a ta'a insa'n murendaba'a.

Malnxa yaane hediyyo reyoten. Hafuurinxa yaane hediyyo kinni hedhotenna nage'aken.

No'o'o mittilchinna gargar hissachi hedheba'a; no'oo eeyeke Kirstoosinni konnechuwwa duuchcha injifachot injifatemakernaa'n sa'nanon.

Konne barrixxi rakko edi'a no'o heqita'neeke ulfinni welti hergendoole mittelchishanna lakko'endabaaxxa ege'ne'ene.

Kiristoosixxe eeyumanaa'n no'o gargar hissa dande'aak ayye ayyike? Rakko yookaan wixxiyya yookaan shorsha yookaan solo'i yookaan daar yookaan sodachisaxxi yaane yookaan wolaantchake?

Qalbe no'oxxa qorqooraak Magen Hafuurnka yaada ege'nedhen; tinninna kaddaachchi Woyyichchi Hafuur Manjixxe fedhisha woyyolete insa'nexxa bado insa'ne'a soodatamaxxeten.

Tinni kaddaachchi Mageniik Hafuurnni akeekemaak duuchchi Magenxe oose kademaxxeten.

Maalnxe fedhisha hedhaakir qalbe ifixxa maalinxe halcha'n uggura; Hafuurnxe fedhisha hedhaakir kinni qalbe ifixxa Hafuurnxe halcha'n uggura.

Ifike mitte belti'a mararebaang no'o duuchchinge iso'o sa'ise uwweexxenni hitata belto ifiken welt duuchinxa yaane no'o'a tola uwwagophata?

Mageniixe oose kandeenexxa iikki Hafuur no'oke irrni welt mitteba higeexxi dhuga kula. Yoona Mageniinxe oose kandeenexxinni no'o isike dhaalnjuwanni, ittayotinna no'o Magenke dhalnjuwwan; Kiristoosinni weltinna dhaalanon; ta'a Kirsitoosn welti rakko adhinonole uduma iska ulfinna isin welt adhdhinano.

Tennexxe maalnxa yaane hedaaki manji Magenoke naaphan; isinna Magenoke seeri'a hiremaba'a, hiremanna dande'aba'a.

Dada duuchcha Mageniixxe oosexxe leella lumoxxe halchanni heqqexxa'nen.

Telchiqico'n dada duuchcha cintoti wixxiyanni aadiyyote'n hexxeexxa egene'enen.