Popular Bible Verses from Matayo 14

Share

Chú à njà rí ní vi mí nga nà, nyí lòw à, ndèymí à lòw dey tsùw bbi dda ò. À swâ, “Ddrǒngóli, pa ma!” Ndùw Yesu ddà ndèy-dhokpa ó nga ndèymí à lòw à-dhokpa, à kâ tdrà, “Nyi drá nyìmí ùwdha nà nì li, ddudhò nyi thíy ní kǒw?”

Chú à njà rí ní vi mí nga nà, nyí lòw à, ndèymí à lòw dey tsùw bbi dda ò. À swâ, “Ddrǒngóli, pa ma!”

Chú ndùw Yesu tdrà ndrǔ dhò, “Nyì thíy déy klǒw. Í nì ma. Nzǐ nyí njěy nyì.”

Petro kâ tdrà à dhò. “Ddrǒngóli, ya dìchú à nì nyi, ja ma dhò ma rǎ nyi dè ju-ddà djòluw.” Yesu kâ tdrà, “Ra.” Petro shì rúgò ngǒ óddù, à lòw dey rǎ Yesu dè dda djòluw.

Yesu kodjú kpa ì tdè ngǒ ó nì kâ ì tdyòw-tey kwò à dhò, ndèymí ndrǔ bbû madha à dhò, ndrǔ tdrà, “Dìchú nyi nì Ddrà mí Ddùwnì.”

Yesu ngù lò ndrǔ dhò, “À jì nzá ndrǔ rǎ ngéy ní nga ò. Nyì bbú ndrǔ dhò ddiy rò ndrǔ nyǔ.” Ndrǔ ngù lò, “Ddiy wá cha mà nì ndanà ingá nì, nì mùkátì mbu ndèymí bbì nà rwo.”

Yesu tdrà, “Mba ingá ma dè.” Ndèymí à jà tdè bbalè dǒw gudjò tsó djú. À kâ fú mùkátì mbu nì tduw ndèymí rwo nì bbì nà ndèymí à njà nga ru rakpa ò, à kâ madha bbu Ddrà dhò. À pbrr̀ mùkátì ónga ndèymí à bbû ndèy kodjú kpa dè. À kodjú kpa bbû bbalè dè.

Bbalè wánì nyù ndèymí ndrǔ ónga kì. À kodjú kpa njûw ndèy gògò mànì nyû dyǔ dri ndèy djú rwo nà věy-věy.