Popular Bible Verses from Njíkpà 1

Share

Chú nyì rà klôw chùw Bblǒ Thíy rà shì nyì djò ro, fú nga nà nyì rà tdè à djò ì nì lò těy nì kpa ní Yerusalemu ó, Yuddeya ónga chú dzò, Samariya ó ndèymí kpòw dziylíy tsò tdôw mí nga ò.

Yesu kâ lò ngù kpa dhò, nyì kà nzá nyì tsǐ fú sâ ǐngí fú ddu cha Ddrà thì ndèymí klôw nà nì.

Ddì ní à njûw ndèy kpa nà ro, à kâ tdrà kpa dhò, nzǐ nyì ddá nyì Yerusalemu óddù, chú nyì pbǒ mà-dja tdèy nyì dho nì lò cha nyì rr̀ ma tdè tdrǎ nyì dho níchú. Yohana bbû tdè bàtízò dda nà, chú drání ddu ó nyì rà bàtízò lòw Bblǒ Thíy nà.

À nzâ tdè ndèy musalabba djú ddiy-dzzdjú, à dhò ndèy djiy ní ndèy kodjú kpa dhò ddu drì-drí nga tho nì dhò ndèymí à kâ lò tdrà ndrǔ dhò Ddrà mí pey-mí-nga djò.

Fú ddiy Yesu tdrà tdè ro, Ddrà kâ à tduw ru rakpa ò. Kpa tdè à njǎ ro, nduw-nduw kâ à rónga tsò tà kpa nyú djúddù.

Kpa tdè nga njǎ chǒw ru rakpa dè cha Yesu tdè rǎ ro, fú nga nà rwo nì kpa ì thô ì ró sárŕ ní rù nì kâ shì ndrǔ dè. Kpa kàó ddì li kâ tdrà ndrǔ dhò, “Galilaya mí dziylíy ó bbalè, ddudhò nyì děy ingá, nyì nì nga njǎ rakpa dè ní? Í Yesu, cha Ddrà tduw rakpa ò nyì kà-óddù nì rà ngu dziylíy djò ddí fǔchú cha nyì njà à nì rǎ níchú.”