Popular Bible Verses from Apocalipsis 16

Share

So' qadesaliaxanec 'enaac: “Chana'píiỹa, ñanac qomle sa 'te da' jaỹim qoỹauáaque, sená'am ga' cacháxaic. Ỹátaqta mátac qomle jega'me nelótaiỹi qataxa ga' netela'alo gaua' louo, da' qaidi sa 'te da' saleet'ague, qana'chi na' siỹaxadipi ỹañoxot da' ỹilo'ot da' ló'oquiaxac.”

Qataxa jec so' namaxasec laqáỹa da' ỹicodínỹi so' ñáchi let'ádaic lenaxat Eufrates. Huá'a, qana'chi 'em so' lé'ec noxop so' ñáchi, da' qaidi ỹ'ouategue na' ladic so' net'alpi 'me chiỹaqa'ague da' liiséguem jaso' c'atena.

Jesaa'me naqaisaua saua' lamaxa's so' qadó'o paiỹac 'me ỹ'étetac jen' n'anec 'me sa qoỹauanápiỹi. Jesaa'me ỹinoxodéegue, qaidi lapona't ỹima na' net'alpi 'me huetalégue jen' 'aléua, da' ỹaqátaxata't da' delóiqui ga' nolo' 'me livídaxaqui da' ỹa'uo ga' le'uáanaxanaxac ñi' Dios 'me qaỹa 'te ga' ỹaqalánaac.

Huá'a, qana'chi sauáachiỹi na' nedégaxat so' sega'me ñaxadiaq, qataxa so' síiỹac, qataxa so' 'enapeela't da' l'aqtáxanaxanec ñi' Dios, da' chiỹaqaavlo saua' tres nase' nataqtáqaiqa, 'ena'ama jan' petaỹo.

Ỹátaqta sa l'áxaic da' ỹavic ỹima na' siỹaxadipi na' ló'oc. Qaláxasa jen'me sa 'te da' ỹaxadíñi naua' loico, qataxa sa ỹi'ỹoxoden ñi' Dios. Na'chidáta da' ỹátaqta ỹisouéetac jiñi'me, 'me ỹañoxot da' ỹamaqa'pe naua' napite'nádi.

Qana'chi jec jeso'me 'uáichiiñi namaxasec da' ỹicodelégue jen' 'aléua. Qana'chi ỹima jen' siỹaxadipi 'me 'uo jan' n'anaxasete 'me chiỹoqo'ot so' síiỹac qataxa netameetapecot jeso'me nadénaqtac liquí'i, qana'chi jen'me naséguem na' ló'oc na' ỹátaqta sa qamáta lisiquiaxa qataxa ỹátaqta co'ỹaq.

Qana'chi jesaa'me nase' nataqtáqaiqa lapona't jen' net'alpi da' lapónaqa' qa'en so' 'aléua 'me naua' hebreo l'aqtaqa lenaxat Armagedón.