Popular Bible Verses from Apocalipsis 14

Share

Ỹim, qana'chi semachíỹa so' n'aqtac chimaqpecot di' piỹem, jaỹim 'enapéga, 'enáacjo': —'Audíñi qomle da' 'eet'oi: “Ỹátaqta mátac qomle naỹi ga' ỹileu da' 'uootaxa ỹileetalégue da' l'amaqténataxanaxac so' qadesaliaxanec.” Qana'chi so' Espíritu Santo 'enaac: “Já'a, na'chi naq'áita dójo'.” Qá'a jega'me nematee'guesop jen' l'onatacpi. Qana'chi da' l'onataxanaxac qaa'le sa 'te qomle da' qopetelaxaguet.

Chan'eesa ỹiuen da' 'uo da' neuálaxainaxac jen'me lalémaxasetpi ñi' Dios 'me ỹalaxalóo'te naua' laqátaxaco jiñi'me qataxa quet'egue so' Jesús.

Qana'chi jeso'me ỹátaqta n'áloxodeetapeec da' l'aqtaxanaxac, 'enaac: —Ỹátaqta 'auauóỹi qomle da' 'enec ñi' Dios, qataxa 'avi'ỹoxodíñii, qá'a ma'le ỹovíta di' lalóqo' jiñi'me da' nimit jen' nasouaxacpi. 'Avi'ỹoxodíñii qomle jiñi'me 'me l'onatac di' piỹem, qataxa jen' 'aléua, qataxa jaso' huaxai, qataxa jen'me naỹíitaseguem noxop.

Ỹitaxa so' namaxasec laqáỹa nataq'en ỹátaqta n'áloxodenec da' l'aqtac, 'eet'oi: —Ga' ỹi'ỹoxodéetac ñi' síiỹac qataxa so' nadénaqtac liquí'i, qataxa da' 'uootaxa ỹa'uo jaga' n'anaxasete na' latap 'uootaxa na' louaq, qana'chi jega'me niỹómỹi qomle jeda'me qaỹa 'te ga' 'ená'am da' lichic le'uáanaxanaxac ñi' Dios, qomle ỹivíta da' ỹicodéegue da'me ỹaqátaxaatapiỹe't lalemataic 'me 'ená'am ga' nedot'a't latáxa. Qana'chi jega'me ỹátaqta ni'quichínỹi qomle da' laỹaliaxa ga' dóle' qataxa jen'me sega'me huosac l'atec 'me 'edétanỹi, ỹauáachiỹi qomle jen'me lamaxa'spi ñi' Dios qataxa so' n'aanaxate c'óxot. Qana'chi qaỹa 'te loiquiaqa't naua' noloqo'te qataxa pi'ỹáxadi da' nichítapiiseguem da' ne'uaxánaguec jen'me ỹi'ỹoxodéetac jeso'me síiỹac qataxa so' nadénaqtac liquí'i, 'uootaxa da' 'chi ñíỹi da' lenaxat. Qana'chi qaỹa 'te ga' nemataxac.

Ca'li ỹim, qana'chi ñanaxaséguem, qana'chi selá'a so' n'aanaxate c'óxot petalégue so' qasoxonaxa lenaxat Sión. Jeso'me na'chi huétaaue jeso'me ciento cuarenta y cuatro mil siỹaxadipi 'me qoỹidetalégue na' latap da' lenaxat jeso'me n'aanaxate c'óxot qataxa da' lenaxat ñi' let'a Dios.

Ỹim, qataxa selá'a so' namaxasec laqáỹa piỹem lé'ec, huaỹótac, huet'ot di' piỹem, ỹachítac so' n'aqtaxanaxac 'me qaỹa 'te loiquiaqa' 'me chiỹaqaỹi da' nec'alaxa, da' qaidi d'aqtaxanem ỹima jen' netalégue jen' 'aléua ỹodapecachi siỹaxadipi 'me ỹodapecachi na' l'aqtacpi.

Qataxa niỹaqa'aguet so' namaxasec laqáỹa detaqátac, 'eet'oi: —Ma'le noxonec di' noic t'ádaic lenaxat Babilonia, ma'le noxonec, qá'a jidi'me ỹauec'aguet ỹima na' ỹodapecachi siỹaxadipi da' nequeséeguetaxa, sega'me niỹómaxanỹi ga' latáxa.