Popular Bible Verses from 2 Corintios 4

Share

Chan'eesa sa 'te seloqótaỹi qomle ga'me ỹ'oqóchiỹi. Jalgáta ga' sa di'ỹoq. Qá'a ga'me ỹ'oqóchiỹi, sa 'te loguéegue, qaláxasa ga'me sa di'ỹoq, na'chiga 'me qaỹa 'te loiquiaqa'.

Chan'eesa sa 'te da' ñalásaxanaqta't qomle. Temaqaidi da' sega'me nacaquétañi da' qadó'oquiaxac, qaláxasa jeda'me sa di'ỹoq 'me qanchaalataxac noloqo'te da' naqaloxodétaseguem. Qá'a naa'me qane'queténaxaco naỹi da'me qanchaalataxac, naa'me qaỹa 'te laliide'j qataxa sa 'te loidéegue, naqainaua naua' qo'mi ỹ'éteeta ga'me ỹátaqta let'ádaic ni'ỹoxodic 'me qaỹa 'te loiquiaqa', sa 'ená'am na' qane'queténaxacpi.

Qana'chi temaqaidi da' huo'oi naua' hua'alo naua' ỹ'e't da' qadaqalaic, qaláxasa na'chi 'eeta't da' lasoxoc da' qoỹiỹamaxachiñi. Qataxa temaqaidi da' 'uo ga' qo'mi ỹachítataxa'n, qaláxasa sa 'te qaỹa ga'me qadasoxónataxanaxac. Qataxa temaqaidi da' qo'mi qonqalgaxat'ape, qaláxasa sa 'te qo'mi niimaqa. Temaqaidi da' qo'mi qoỹamaxadíñi, qaláxasa sa 'te qadeleu.

Qaláxasa da'me 'uo laso'víỹaxac, da'me sacháqtaỹi da' qadó'oc 'me 'ená'am jaga' taxaqui 'aléua, da' qaidi qoỹilá'a da'me p'asáiỹi lañoqtaxanaxac 'me chiỹoqo'ot ñi'me Dios, qana'chi sa 'te da' qo'mi chiỹaqaỹilo.

Qá'a jen'me sa 'te da' d'amaqténataxan, chan'eesa so'me qadó'o paiỹac 'me quétapegue' jen'me siỹaxadipi, jeso'me ỹaqanamaqtet jen'me da' laatetonaxanaxac, da' qaidi sa ỹilá'a na' lauaq da'me 'ónaxaic qadipí'ic 'me ỹ'axat da' ladíquiaxac so' Cristo 'me ỹ'oxodaic, so'me naqaiso so' liquí'i ñi'me Dios.

Qá'a ñi'me Dios 'me mai'chi namaq da' ỹicoỹadóoue, da' qaidi ỹ'oqótooue na' n'álaxa, naqaiñi 'me ỹicoỹadoovlo naua' qadiquidiaqtel, chiỹaqaỹi qa'en jeso'me l'edáxa, da' qaidi ma'le saatetonaq da' li'ỹoxodic ñi'me 'me 'edóoue qa'en da' latáxasoxoc so' Jesucristo.