Popular Bible Verses from Matiu 5

Share

À pà nǝ̀ tsǝk bǝsa a pitǝla sǝ à nǝ̀ kùmsǝî wi nkenye amurí ɗàng. A kun mani ka à nǝ̀ tamsǝi amur gir-tamsǝ pitǝla, a ban mǝnana nǝ̀ pa tǎlaban a ban aɓwana kat a ɓala ka. Anggo sǝ wun nǝ̀ nying tǎlaban ma'wun ɓǝ̀ ta a ɓadǝmbǝ aɓwana ace mǝnana ɓǝà sǝn atúró ɓoarna ma'wun, sǝ ɓǝà gusǝlǝ Tár wun mana a kùli ka.

Wu nda ka tǎlaban mala ɓanza. Nggea-là mǝnana à ɓè amur tali ka pà nǝ̀ sǝmbǝrǝ ɗang.

Amǝ ɓabum mǝɓoarnsari ka à ndanǝ tsǝkbu mala Ɓakuli, acemǝnana à nǝ̀ sǝn Ɓakuli.

Aɓwana mǝnana à dum nǝ nzala andǝ mǝsamur mala cauɓoarna a bumia ka, à ndanǝ tsǝkbu mala Ɓakuli, acemǝnana à nǝ̀ kum ɗǝmsǝban.

Sǝ mim ngga ǝn nggǝ na wun ama: Wu earce aɓi wun amǝbura sǝ wu kǝ pakhiwi ace aɓwana mǝnana à ɓinǝmǝsǝ wun sǝ à kǝ pa wun tanni ka.

Aɓwana mǝnana à sǝlǝ ama yia ka amǝ'tǝ̀r na aɓa bangŋo ka, à ndanǝ tsǝkbu mala Ɓakuli, acemana Domurǝm mala kùli ka malea na.

Amǝ gilǝki dotarǝu ka à ndanǝ tsǝkbu mala Ɓakuli, acemǝnana à nǝ̀ duk amuna mala Ɓakuli.

Amǝ bumkiɗikea ka à ndanǝ tsǝkbu mala Ɓakuli, acemǝnana à nǝ̀ kum girikiban.

Aɓwana mǝnana à kǝ pea wia tanni ace cauɓoarna ka, à ndanǝ tsǝkbu mala Ɓakuli, acemǝnana Domurǝm mala kùli ka malea na.

Amǝ sǝn mǝsǝswatǝr ka à ndanǝ tsǝkbu mala Ɓakuli, acemǝnana à nǝ̀ sǝn mǝsǝswatǝr malea.

Wu ndanǝ tsǝkbu mala Ɓakuli yi mǝnana aɓwana kǝ sáng wun, à kǝ pa wun tanni, à kǝ tsǝka wun acau mǝɓike ɗàngɗáng arǝ wun aɓa nyir, acemǝnana wu nda ka amǝkpatam ngga. Wu pak bumpwasǝa, ban ɓǝ ɓoara wun, acemǝnana tangnakusǝ wun ngga mǝgule na a kùli. Anggo sǝ à pe amǝ'ɓangnǝa mala Ɓakuli mǝnana à akà wun dǝmba ka tanni.

Amǝ nongsǝmúrû ka à ndanǝ tsǝkbu mala Ɓakuli, acemǝnana à nǝ̀ li ɓanza.

Wu nda ka tuɓamur mala ɓanza. Sǝ ɓǝ̀ tuɓamur ɗwanyi cyauwe male ka mana gir ni nǝ̀ tsǝì sǝ nǝ̀ cyau ɗǝm? Panǝ ɓoaro ɗǝm ɗàng; à nǝ̀ sukki aɓwana nǝ̀ parki a ɓakusǝia.

Ace mǝno ka, wu lùmsǝ nǝ cauɓoarna kǝla mǝnana Tár wun mana a kùli ka lùmsǝ nǝ cauɓoarna ka.

Ɗeki <<E>> mò ɓǝ̀ duk <<E,>> sǝ <<Awo>> mò ɓǝ̀ duk <<Awo>>; ɓǝ̀ wori mǝnia ka pur nǝ ban Mǝɓealɓikea.

Wu ongŋǝna à bang ama, <<Ar mǝsǝu a kún ar mǝsǝu, sǝ ɓun minǝu a kún ɓun minǝu.>> Sǝ mim ngga ǝn nggǝ na wun ama, kǝa nyesǝ mǝɓane a kún mǝɓane mǝnana à pakko ka ɗàng. Ɓǝ̀ ɓwa kweo a takiro mǝlì ka, pǝlǝi wi ɓè takiro.

Ɓǝ̀ mǝsǝo mǝlì kǝ tsǝo a kǝ pak cauɓikea ka, pusǝì túrí. Kǝpǝna wu ɗwanyi ɓekǝ bareo mwashat amur mǝnana ɓǝà túr nggūrǝo kat aɓa tūli-bǝsa ka. Sǝ ɓǝ̀ buo mǝlì kǝ tsǝo a kǝ pak cauɓikea ka, kasǝi túrí. Kǝpǝna wu ɗwanyi ɓekǝ bareo mwashat amur mǝnana ɓǝà túr nggūrǝo kat aɓa tūli-bǝsa ka.