Popular Bible Verses from Luka 4

Share

<<Bangŋo mala Mǝtalabangŋo nda a muram, acemǝnana tàrnám ɓǝ̀n hamnǝ Cau Mǝɓoarne a ban amǝ'tǝ̀r. Tasǝam ɓǝ̀n yi hamnǝ cau mala panzǝban a ban aɓwana mǝnana à kùria ka. Ɓǝà nyesǝi ante mǝsǝu sǝnban, sǝ ɓǝà pusǝ aɓwana mǝnana à nda aɓata parban ngga a gung. Ɓǝ̀n hama ama pwari mana Ɓakuli nǝ̀ amsǝ aɓwana male nǝi ka yina.>>

Yesu nyesǝi wi ama, <<À gilǝ a Malǝmce mala Ɓakuli ama, << <Peri aban Mǝtalabangŋo Ɓakuli mo, sǝ wu kpate yì nǝmurǝì.>>>

Yesu nyesǝi wi ama, <<À gilǝ a Malǝmce mala Ɓakuli ama, <Ɓwa pà nǝ̀ au nǝ girlina nǝmurǝì ɗang.>>>

Yesu lùmsǝ nǝ Bangŋo Mǝfele, nyàrî Nggeasala Jodan ngga, Bangŋo mala Ɓakuli um nǝi a pǝɗanban a njenza.

Yesu nyesǝi wi ama, <<À gilǝ aɓa Malǝmce mala Ɓakuli ama, <Ce a kārǝki Mǝtalabangŋo Ɓakuli mo ɗang.> >>

Lang Shetan malǝna kārǝki Yesu ka, pǝlǝa gǝshì banì zuku.

Shetan loasǝi um nǝi a nggea ban mǝ'dāhre, sǝ lǝmdǝì wi anzali-murǝm mala ɓanza kat aɓa kuɓimǝsǝu. Pǝlǝa Shetan ne wi ama, <<Mǝ nǝ po arǝcandǝa malea andǝ ɓoarɓwa malea kat, acemǝnana à panamia. Mǝ nǝ gandǝ pe koyan mǝnana ǝn earce pe wi ka. Sǝ ɓǝa kū`ndǝó, a gusǝlǝam ngga, agir man nǝ̀ duk amo yia kat.>> Yesu nyesǝi wi ama, <<À gilǝ a Malǝmce mala Ɓakuli ama, << <Peri aban Mǝtalabangŋo Ɓakuli mo, sǝ wu kpate yì nǝmurǝì.>>>

Shetan nyare loasǝi um nǝi a Urǝshalima, kya tamsǝi a ɓong Ndàmǝgule mala Ɓakuli, sǝ ne wi ama, <<Ɓǝ̀ a nda Muna mala Ɓakuli ka, ta zurro a nzali. Acemǝnana Malǝmce mala Ɓakuli bang ama, << <Ɓakuli nǝ̀ tsǝk amǝturonjar male aceo ɓǝa yalo caca; à nǝ̀ mbalǝkio a ɓabuia ace mǝnana wu kǝa tul kusǝo arǝ tali raka.> >> Yesu nyesǝi wi ama, <<À gilǝ aɓa Malǝmce mala Ɓakuli ama, <Ce a kārǝki Mǝtalabangŋo Ɓakuli mo ɗang.> >>