Popular Bible Verses from 2 Amurǝm 2

Share

Anzǝm mana à yàlǝ́nì Nggeasala Jodan ngga, Iliya banggi Elisha ama, <<Zǝm gìr mǝnana mǝ nǝ pàkkô ka, sǝɓǝ̀ à twalam arǝò.>> Elisha ne wi ama, <<Ida, ɓǝ̀ kāmbe ɓari mala bangŋo mò sulǝ amuram.>>

Sǝ lang à ndaban gya sǝ à kǝ nacau ka, kara waru-pǝr mala bǝsa puro nǝ apǝr bǝsa mana à kǝ nunni ka, à yi gau nrea. Sǝ à fwà Iliya aban o kuli aɓa gyaɗace.

Sǝ Iliya ne wi ama, <<A zǝmna gìr mǝkwane; kat andǝ amani ka, ɓǝ̀ a sǝnam lang à ndaban twalam arǝò ka, awu nǝ kum gìr mǝnana a zǝm ngga. Sǝama ɓǝ̀ a sǝnam raka, a pà wunǝ kumi ɗàng.>>

Twal gwado mala Iliya mǝnana kpa arǝì ka, sǝ wal mùr nǝi, sǝ bang ama, <<Yahweh, Ɓakuli mala Iliya na ke?>> Sǝ lang walna mùr ka, mùr gau arǝ abanì ɓari, sǝ Elisha gya yàl a nkaring.

Elisha sǝni, sǝ tunǝban bang-bang ama, <<Dâ! Dâ! Awaru-pǝr andǝ amǝpǝr mala Isǝrayila!>> Sǝ Elisha nyare sǝni ɗàng. Pǝlǝa bwal daura male sannì, gauwi ɓari.

Iliya panzǝ gwado male, karki sǝ walna mùr nǝi. Kara mùr gau banì ɓari, sǝ à gya amur nzali mǝ'ime yià kǝm, à yàl a nkaring.

Adyan ngga, lang pwari gbàshìnà mǝnana Yahweh nǝ̀ twal Iliya aɓa gyaɗace nǝ̀ umnǝi a kuli ka, Iliya andǝ Elisha na a njar aban nying Gilgal.