Popular Bible Verses from 1 Amurǝm 3

Share

Acemani ka, pam ɓabum bwaltakusǝ gir, ace mǝnana mǝ súrǝ̀ lang sǝ mǝ nǝ yálmúr aɓwana mô aɓa mǝsǝcau, sǝ ɓǝn gauta mǝɓoarne andǝ mǝɓane. Ɓǝ̀ ana raka, yana ɓwe nǝ̀ gandǝ yálmúr aɓwana mǝgule mò man?>>

mǝ nǝ pak gìr mǝnana a zǝm ngga. Mǝ ndya ǝn nggǝ po ɓabum mala sǝlǝe andǝ bwaltakusǝ gir, mǝnana kǝɓwa pà kàm a dǝmba nǝ we kum ulangyi, sǝ kǝɓwa pà kàm nǝ̀ lo anzǝmo nǝ̀ kum ulangyi ka ɗàng.

Pǝlǝa Ɓakuli ne wi ama, <<Acemǝnana a zǝmba ace kum sǝlǝe mala yálmúr aɓwana aɓa mǝsǝcau, sǝ a zǝmbi ɓamuro sauwa mala yilǝmu, ko kume, ko lú mala aɓio-mǝbura raka

Ɗǝm ngga, mǝ ndya ǝn nggǝ po gìr mǝnana a zǝm raka, gulo andǝ kume, mǝnana à pà nǝ̀ kànì kǝ murǝm arǝò, a do'nza mò raka.

Sǝ ɓǝ̀ awu nǝ kpata anjar mem, awu nǝ bwal anggurcau andǝ anzongcau mem, kǝla mǝnana tárró Dauda pak ka, mǝ nǝ tsǝk anonggio mô à nǝ̀ sau a ɓanza.>>

A bu-dù mǝno ka Yahweh yipì Solomon a lòrǝo a Gibiyon. Ɓakuli ne wi ama, <<Zǝm gir mǝnana kat a earkiyice ama mǝ po ka.>>

<<Ado ka, Yahweh Ɓakuli mem, a tsǝ́ngŋǝ̀nám, mim guro mò amur buno-murǝm a kúnì tárrám Dauda, kat andǝ amani ama mǝ nda muna mǝkyauwe ka. Ən súrǝ̀ puro andǝ kutio ɗang.

Mǝno yì gìr Solomon zǝm ngga pwasǝbum Yahweh.

Solomon bang ama, <<A lǝmdǝni guro mò, tárrám Dauda earcearǝu mǝgule mǝnana malkiyi raka acemǝnana gya aɓadǝmbo nǝ mǝsǝcau, andǝ ɓealɓoarna, sǝ nǝ ɓabumi kat. Sǝ a linadǝmba nǝ mǝnia yì earcearǝu mǝgule mana malkiyi raka, sǝ a panì wi muna-ɓwabura ɓǝ̀ do amur buno-murǝm male yalung.

Mǝ ndya aɓalǝ aɓwana mô mǝnana a tària ka, nzali mǝgule mala aɓwapǝndǝa mǝnana à pà nǝ̀ gandǝ ɓallia raka, ace ɓiki làkkì malea.