Popular Bible Verses from Romanos 12

Share

Naꞌbantraꞌ goꞌ xa mban re men natyemp reꞌ, cheꞌla pseꞌ goꞌ reta xgab goꞌ sa keno goꞌ ti xgab kub. Tamod sa nye goꞌ cho kwan nak jwanꞌ ncholaꞌs Dios, re jwanꞌ wen, re jwanꞌ ndryoꞌ lazoꞌ Dios nde reta jwanꞌ galꞌ.

Jwanꞌ nasa wes na, ptan na, por yalndlat lazoꞌ chanꞌ Dios, nyaꞌb na lo goꞌ sa le' tayaꞌ goꞌ dib ben goꞌ lo Dios xaja ti jwanꞌ yon nabana, nde jwanꞌ ndryoꞌ lazoꞌ Dios. Jwanꞌ reꞌ nak mod galꞌ xa xobyek men Dios.

Blo nale lazoꞌ goꞌ laj ngembed goꞌ Xaꞌ Nyebeꞌ, bxek goꞌ laj ndoriꞌd goꞌ yalti nde thibla' ptodiꞌsno goꞌ Dios.

Naꞌtad la diꞌs sa jwanꞌ narax liy gan loa, cheꞌla bli jwanꞌ wen sa lia gan lo jwanꞌ narax.

Pkeꞌ lazoꞌ goꞌ ta goꞌ xaga wes go' nde ptan' goꞌ, le' jwan' ta xoꞌbyek goꞌ, ptaꞌ goꞌ diꞌs lo ta goꞌ nde na'tyotow'ta go'.

Leꞌ jwanꞌ ta nkeꞌ lazoꞌ goꞌ ta men goꞌ bli go'y dib nzo lazoꞌ goꞌ. Blo'tal goꞌ re jwanꞌ narax, nde bli goꞌ jwan' wen.

Pchal goꞌ nabeꞌz breno goꞌ ta men goꞌ axta ploja li goꞌ gan.

Re goꞌ wes na, ptan na, naꞌkotad goꞌ re jwanꞌ narax ndlino men goꞌ, cheꞌla ptaꞌ goꞌ diꞌs sa Dios kweskey lo xaꞌ, tak lo xkiꞌs Dios nchab: “Na jwan' nya'b kwent lo men, na yix ka xa', ta ne Xaꞌ Nyebeꞌ.”

Naxax gok goꞌ, naꞌakta goꞌ men saꞌb nde bli goꞌ sinꞌ lo Xaꞌ Nyebeꞌ dib nzo lazoꞌ goꞌ.

Kon yalwen jwanꞌ mdaꞌ Dios lon, nin lo reta goꞌ, nek thib goꞌ naꞌaknaroda lo jwanꞌ nak le'ga goꞌ. Cheꞌla, ndablo li goꞌ xgab xajka men mbyax xni yek naꞌ ba, jwanꞌ xata mdaꞌ Dios lo kad thiba goꞌ ta ndlipa lazoꞌ goꞌ Dios.

Naꞌkotad goꞌ narax lo men jwan' ndli narax lo go', pchal goꞌ li goꞌ wen lo reta men.

Thita gok re goꞌ, naꞌxyalꞌta goꞌ, thita gok goꞌ kon re men nadoꞌ. Naꞌxyalꞌnod goꞌ yalnchak chanꞌ goꞌ.

Nde noga nchaba: “Tez xaꞌ jwanꞌ nayiꞌ loa, ndyanꞌ xaꞌ, ptaꞌ jwanꞌ wa xaꞌ, tez nchek xaꞌ, ptaꞌ nit gu xaꞌ, lo senꞌ lia jwanꞌ reꞌ, tyolaꞌs xaꞌ lo jwanꞌ narax ndli xaꞌ.”

Bli leyꞌ goꞌ re xaꞌ ngete chubla goꞌ, bli leyꞌ goꞌ xaꞌ nde nakeꞌded goꞌ xaꞌ. Blo nale lazoꞌ goꞌ kon re xaꞌ nale nzo lazonꞌ nde binꞌ goꞌ kon re xaꞌ nchonꞌ.

Blaꞌsto goꞌ re men yes nayon chan' Jesucrist, nde pkayaꞌ goꞌ re men nzin liz goꞌ.

Tak xa ti mena, ngeno men ni men, yaꞌ men, yek men nde masraꞌ reta jwanꞌ nde xaxaꞌ sinꞌ ndliy, tagaꞌ re naꞌ, naꞌr toz naꞌ, thita nak na' kon Crist, nde reta naꞌ thipta ndentanꞌ jwanꞌ xa naksaꞌ ti mena.