Popular Bible Verses from Marcos 6

Share

Jesús nchab lo xa': —Yaꞌ goꞌ ndanꞌ ti tenꞌ naꞌngenta men, sa ryo'xkwen naꞌ lud. Tak bro toz men jwan' ndya nde men jwan' nzin, nekla ta' men di's wa re xa'

Leꞌ Jesús nchab lo xa': —Reta lad nxo'byek men ti profet, per plo tenꞌ nak laz xaꞌ, na'nxo'byekta men xaꞌ, nek re men ta xaꞌ nde neka men liz xaꞌ.

Sen' mbla Jesús lo bark, mbwiꞌ Xaꞌ men toz nzila tya, nde mblat lazoꞌ Jesús mbwiꞌ Xa' lo re men ya, tak nak men xaja mbakxilꞌ jwanꞌ naꞌngenta xa' kenap, nde mdobte mtoteꞌd Jesús xaꞌ lo bro toz jwanꞌ.

Nde nek thib yalnaro na'ndlid Jesús tya, benꞌta pla men nayiz mxo'b yaꞌ Jesús yek xaꞌ nde mbyak men. Nde nzoyen toz Jesús lo na'ndlid lazoꞌ men Xaꞌ. Nde mkete Jesús re yez bix jwanꞌ nzi dib gax tya, mblo' Xa' xki's Dios.

Zyasa mxen Jesús re gayꞌ pan kon rop mbel nde mbwiꞌ Xaꞌ lo beꞌ, mbli ley' xa'y, nde mblirol Xaꞌ pan mda' Xa'y lo re xinꞌ teꞌd Xaꞌ sa yathi'd xaꞌy lo reta men nde taga mdi'd Xaꞌ mbel. Nde mda reta men axta mze lenꞌ xaꞌ. Nde mthop xa' reta jwan' mbroxo'b, mbro' tib sen chokwid sey chan' pan nde mbel.