Popular Bible Verses from Marcos 13

Share

Nde reta men yiꞌno xaꞌ goꞌ tak ndli lazoꞌ goꞌ na. Leꞌ goꞌ jwanꞌ ne ndo lo xkiꞌs Dios, xek goꞌ kebeꞌ yolo reta jwanꞌ reꞌ, men ya kayaꞌ yalnaban adiꞌ.

Jwanꞌ nasa, brena goꞌ nde ptodiꞌsno goꞌ Dios, tak na'nyed goꞌ pol yoxo'b beꞌ ya.

Nde senꞌ nda xiꞌ xaꞌ goꞌ sa tayaꞌ xaꞌ goꞌ lo xaꞌ nak sinꞌ, nalit goꞌ xgab xamod kab goꞌ, tak Dios tob diꞌs ro goꞌ sa kab goꞌ nde nakta goꞌ jwanꞌ todiꞌs zya, Mbi Nayon chanꞌ Dios todiꞌs.

Le' beꞌ nde izyo tluxa, per re xkiꞌs na na'luxtay.

Per wiz ya nde hor ya ngenta cho nyey, nekla re áng nzi lo beꞌ, nde nekla Xinꞌ Mbi' naꞌnyeday, benꞌta Pay mney.

Nde senꞌ lo gon goꞌ nzo yalbyo nde nzo'b diꞌs yora yalbyo, nazyepta goꞌ, tak nakiꞌnka ta aka nde na'nakta jwanꞌ nata mney.

Taga goꞌ, brena goꞌ, tak na'nyed goꞌ pol bere xaꞌ nak liz; cho ndakow izyoy, cho rol yalꞌ la, senꞌ mbez ngidteꞌy, o ndatuxni izyoy, sa sen' lo xajta sin xaꞌ, naꞌyosibta xaꞌ goꞌ nziyat goꞌ. Nde jwanꞌ ta ntej na lo goꞌ reꞌ, lo reta men ntej nay: Brena goꞌ.

Zyara' yo re yez kon yez nde rey kon rey; nde na'r toz tenꞌ win xo nde taja yo win, zya anta ndryoꞌ men karrel, jwanꞌ re' nak xanꞌ re yalti jwan' ye'd.

Nde ndablo nerla diꞌs wen chanꞌ Dios ryaꞌs dib xis izyo.

Tak nar toz xaꞌ ye'd nde nye xaꞌ: “Na nak Crist, Xaꞌ mtelꞌ Dios”. Nde bro toz men kwin'no xa'.

Lega goꞌ, nda wiꞌ toz goꞌ, tak tayaꞌ men goꞌ lo re xaꞌ nak sinꞌ nde lenꞌ yo tenꞌ ndyop men Israel tya kin xaꞌ goꞌ. We xaꞌ goꞌ lo re xaꞌ nyebeꞌ lo reta yez nde lo rey tak ndli lazoꞌ goꞌ na, tya tej goꞌ na lo xaꞌ.

Tak zya ye'd re xaꞌ kwinꞌ gab xaꞌ, “xa' nak Crist nde xa' nak profet” nde li xaꞌ re yalnaro jwanꞌ nzoyen men, sa kwinꞌno xaꞌ men, axta noga re men jwanꞌ mbli Dios, chal xaꞌ kwin'no xaꞌ men ya.

Lenꞌ wiz ya, senꞌ mne mbrid reta yalti toz, leꞌ wiz na'toxnitray nde mbeꞌ natatray xni, nde reta mbel nzi lo beꞌ ryo'ndaba nde re yalne naro toz nzo lo beꞌ, xi'da.