Popular Bible Verses from Mateo 28

Share

Jwanꞌ nasa, wa goꞌ, nde ptoteꞌd goꞌ men dib nax izyo, sa ak xaꞌ xinꞌteꞌd na nde kole goꞌ xaꞌ kon le Xud goꞌ Dios, kon le Xinꞌ Xaꞌ, nde kon le Mbi Nayon, nde bloꞌ goꞌ lo men li men reta jwanꞌ mnibeꞌn lo goꞌ. Nde wiꞌ goꞌ nea, na ndono goꞌ reta wiz, axta kebeꞌ lux izyo. Tamod naka.

Nde Jesús mbike lo re xaꞌ nde nchab Jesús lo xaꞌ: —Dios mdaꞌa dib yalnibe lon sa nyebeꞌn lo beꞌ nde lo izyo.

Zyasa nchab anj lo rop ngol: —Naꞌzyebta goꞌ, mnela na leꞌ goꞌ nkwanꞌ Jesús, Xaꞌ ta mkeꞌ men lo kruz. Naꞌngenta Xaꞌ ncheꞌya, leꞌ Xaꞌ mbroxbanla xa nchabka xaꞌ ya, deꞌ goꞌ sa wiꞌ goꞌ tenꞌ mdix men Xaꞌ.

Nde Jesús nchab lo rop ngol: —Naꞌzyebta goꞌ. Wa yab goꞌ lo re xin'te'd na, sa ya xaꞌ Galilea, tya wiꞌ xaꞌ na.

Nde re nglweyꞌ ya ngwa todiꞌsno re xaꞌ gox jwanꞌ nyebeꞌ lo yez nde thita ngok diꞌs re xaꞌ, nde tmi toz mdaꞌ xaꞌ lo re sondad, nde nchab xaꞌ lo re sondad: —Gus goꞌ, yalꞌ senꞌ nzi yat náꞌ mbyed re xin'te'd Xaꞌ, nde mbli wanꞌ xaꞌ Xaꞌ. Nde tez leꞌ gobernador nye jwanꞌ reꞌ, náꞌ ko yek xaꞌ sa nangen cho kwan li no xaꞌ goꞌ. Nde re sondad mxen tmi nde mbli xaꞌ xata nchab re xaꞌ ya lo xaꞌ. Nde yalkwinꞌ reꞌ nchaj xij re xaꞌ Judío axta naya.