Popular Bible Verses from Lucas 7

Share

Jwan' nasa na ni loa, reta xken ngol mdyon'la, jwanꞌ na bro toz nkeꞌ lazoꞌ ngol na, per xaꞌ lud xken naꞌ ndyonꞌ, lud nkeꞌ lazoꞌ xaꞌ. Zyasa nchab Jesus lo ngol: —Reta xken la mdyon'la.

Per Jesus nchab lo ngol: —Tak mbli lazoꞌa na, jwanꞌ na mblya lo xken la, nabe'z bya.

Nchonꞌ ngol ndoxub ngol lad xis Jesus, nde kon nit mbe lo ngol mbwaz ngol ni Xa', xisa kon yis yek ngol mkwiꞌs ngol ni Xaꞌ, mda ngol chut ni Xaꞌ nde mchub ngol perfum ni Xa'.

jwanꞌ nasa na'ngad yub na ngaxin la. Per benꞌta mnabeꞌ lo yis sa dyanꞌ mos na. Tak noga na ngenon xaꞌ nyebeꞌ lon, nde noga ngenon re sondad jwanꞌ nyebeꞌn lon'. Senꞌ gab na lo thi xaꞌ, "wa", nda xaꞌ, senꞌ gab na lo thib xaꞌ, "deꞌ ", nde xaꞌ, nde senꞌ nyebeꞌn lo mos na li xaꞌ thi jwanꞌ, ndli xaꞌy. Senꞌ lo mbin Jesus jwanꞌ reꞌ leꞌka nzoyen Jesus, nde mbwiꞌ Jesus lo reta men ndanke xis Jesus nde nchab Jesus: —Lipa nin lo goꞌ ke nek thib xaꞌ Israel teraꞌ yosal na jwanꞌ ndli toz lazonꞌ xaja ndli lazoꞌ mbiꞌ reꞌ.

Nde le'xa zyapa mtodanꞌ Jesus bro men nayiz, re men ndyak yalti, re men jwanꞌ nzo mbi narax, nde bro men nglwe mtodanꞌ Jesus ngudlo xaꞌ. Zyasa mkab Jesus lo xin'te'd Juan nchab Jesus: —Bya goꞌ nde btej goꞌ lo Juan reta jwanꞌ mbwiꞌ goꞌ nde reta jwanꞌ mbin goꞌ, re xaꞌ nglwe, ngwiꞌ xaꞌ, re xaꞌ naꞌakta tye ndye xaꞌ, re xaꞌ ndyak ye'sya's, mbyak xaꞌ, re xaꞌ nkweꞌ mxyalꞌ nza xaꞌ, re xaꞌ nguj mbroꞌxban, nde re xaꞌ prob ndoyon xa' diꞌs wen chanꞌ Dios.