Popular Bible Verses from Lucas 3

Share

Senꞌ ngegoꞌle Juan re men, zyasa no Jesus mbroꞌle. Nde laj ngetodi'sno Jesus Dios, mxyalꞌ lo beꞌ, nde mbla Mbi Nayon yek Jesus xaja nya thi paloma, zyasa mbyen thi diꞌs mbroꞌ lo beꞌ nchab: —Lu nak xinꞌ na jwanꞌ nkeꞌ toz lazoꞌn, nde nale toz nzo lazoꞌn ngwiꞌn la.

Per Juan nchab lo xaꞌ: —Na galꞌ diꞌs nin lo goꞌ, na ngole goꞌ kon nit, per tib xa' nde xis na, Xaꞌ ya ngeno mas yalne ke na, Xaꞌ koꞌle goꞌ kon Mbi Nayon nde kon bel. Nde nanzal'ta na xak na neka kore yalyid Xaꞌ.

Ban goꞌ thi mod ke lo' liga mzyeꞌ xgab go' nde mblaꞌ goꞌ re jwanꞌ narax ndli goꞌ, nde naꞌlid go' xgab len' lazo' go': "naꞌ nde lo bin Abraham", tak na ni lo go', Dios toyal lilal Xa' re ke re' xin' Abraham.

Mbay na tagaꞌ yiꞌbya nda'bsa'lay sa choꞌy axta dib lox ya jwanꞌ nandaꞌda ngud wen, xchoꞌy nde yobiy lo bel.

Jwanꞌ reꞌ ngok xa nchab lo ye's mke' profet Isaias: Nchen mbez ti men lad izyo nagan. "Ptoxkwa' goꞌ xned Xa' Nyebe'. Nali bdix goꞌ xned Xaꞌ, Reta yeryo zye, reta yiꞌ nde reta kox ak lap, reta ned nato ak nakwa, nde reta ned narax nak, ak nali. Nde reta men wiꞌ xa tola' Dios men."