Popular Bible Verses from Mark 13

Share

Faoa kaatoa ka tteke atu kia kotou fakatafito i toku ingoa, kae pe koai e tuu faka makeke oko rei ki te faka suku, ka faka saofia.

Faka matakkite tera, natafito see kotou iroa ina te vasia ka au iei.

Tera vasia ko kotou ka saua ki te faka tautara, kau see faka tuasaa pe nia motou ka mmuna kiei. Munaki pe nia ne soria atu kia kotou. Kae a taranga kotou ka kotou munakina siei otou, kae ka aumai i te Mauri Tapu o Tupua.

Tera te vaerangi ma taangata nei ka faka lekutia, kae aku taranga ka si see ma faka leku tia rei.

“Siei pe koai e nai iroa ko te aso pe te vasia fea ka au; siei fokia ko nga ʻangelʼ i te vaerangi; siei te Tama; kae te Mmana fuarei e nai iroa.

Tera kau see fai o tuasaa i vasia kotou e fakarongo ki te ooro o te tau ku piri mai ma a rongo o te tau e mmao mai. A fai ngangea nei ka faka sasa ria, kae siei te atamai te faka suku suku ku oko mai.

Faka matakkite tera, natafito si se kotou iroa ina pe te vasia fea te tangata ona paito ka au iei, matea i te afi afi, pe i te turua poo, pe i vasia ia ata, pe te raa ku fiti. Kae koia ke au arei, koia see fetau fangatasi ke nai maua mai kotou e mmee. Pe nia ma aku e muna kia kotou, tera, kuou e mmuna kia kotou kaatoa: Faka matakite!”

Nga fenua ka featu maso koratou, nga kainanga ka fefeuaki maso koratou. Te ngaruru ka fai i nga ngangea kaatoa ma te onge. A nea nei ka fai e fai pe te mataki fakarongo neaisu anga o te faanau tama.

Kae au raa ko te faka suku, te Rongo Laoi ka mataki tuufaki mua ki nga turaurau kaatoa.

E kkapi rei ko nga taangata ka oomai i toku ingoa, ka mmuna, ‘Kuou koia!’ ma ka ratou lesia te kano fenua e tokarava.

“Tera kotou maso kotou faka matakite kiei; kotou ka pukea ria ma e saua ria ki te faka tautara; kotou ka taia ria ia paito tataanaki; kotou ka turaki ia mata o faoa fono ma nga tii natafito ia kuou ke faka ari kia ratou te Rongo Laoi.

Natafito ko nga Ariki Fakaroro tataangutu ma nga ʻprophetʼ tataangutu ka faka saa. Koratou ka fai aratou furisanga ma aratou ngangea faka mate tino o toka roto te kano fenua ku faka patino e Tupua ke taafuri kese ma Tupua, pe ma fai.

“Ia aso ia tua o te vasia faka pariki, ‘Te raa ka fiti pouri, te marama ka see tingi, nga fetuu ka soro ifo mai te vaerangi, ma a manuu i te vaerangi ka nai turia kese aratou ngangea e oro kiei.’