Popular Bible Verses from Matthew 16

Share

Tera ko Jesus ne muna atu ki na kau fanonga, “Kae pe koai e fifia ke tautari mai kia kuou, koia ke faka ngaro maso koia, kae amo ko na raakau tapu, tera tautari mai raa kia kuou.

Ma tera kuou ka faka ari atu kia kee, Peter ee, ko kee te mato, ma te faka mau ranga o toku Paito Tapu ka taa i te mato nei, ma siei rei pe sea ka nai fai pariki tiaina, siei fokia te Ngangea o te Mate.

Kuou ka sori atu kia kee koa kii o te Kainanga o te Vaerangi. Pe sea e kee mono tia ia taangata nei, ka mono tia fokia i te vaerangi. Mae pe sea e kee sara ria ia taangata nei, ka sara ria fokia i te vaerangi.”

Natafito pe koai ma e fifia ke faka sao ko na kee ora ia, ka faka lekutia; kae pe koai e faka leku ko na ora natafito ia kuou, ka nai maua riaina.

Ea, se tangata ke nai saua ria pe nia pe tuu ko te maaroo oa taangata katoa nei, kae faka leku rei ko na ora? Siki siei arei! Tera siei pe sea ma ana ke sori ke fokisaki mai ko na ora!

Fesiri atu rei ko Jesus kia ratou, “Kae kotou rei e mmuna kuou koai?” Tongoi atu rei ko Simon Peter, “Ko kee te Ariki Fakaroro, te Tama a te Tupua Ora mau.”

Tongoi rei ko Jesus, “Fakatapu ria ko kee, Simon, te tama a John! Natafito te tonu nei si se ne au kia kee mai se tangata, kae ne sori tonu atu rei mai toku Mmana i te vaerangi.