Popular Bible Verses from Matthew 14

Share

Vasia koia ne ono ki te ofa, koia ku mataku ma ne fakatafito o too saere ki raro ki te vai. Koia ne ttangi ake, “Te Ariki ee, faka sao mai kuou!” I mo vakanga ko Jesus ku oko mai, ma ne tango o puke, ma ne muna atu kiei, “Tau fakatonu e vikilake! Sea na atamai ko kee e faka tuka tuka?”

Vasia koia ne ono ki te ofa, koia ku mataku ma ne fakatafito o too saere ki raro ki te vai. Koia ne ttangi ake, “Te Ariki ee, faka sao mai kuou!”

Jesus ne muna atu kia ratou i mo vakanga, “Faka tangata maatua! Ko kuou fuarei, kau see maattaku!”

Tera karanga atu rei ko Peter kia Jesus, “Te Ariki ee, kae ko kee maori rei, fai mai ke kau fenatu i fongo vai kia kee!” Tongoi atu rei ko Jesus, “Au!” Tera Peter ne sopo kese ma te vaka, ma ne tafito saere i fongo vai kia Jesus.

Na kau fanonga i roto vaka ne fakaturou kia Jesus, ma ne mmuna, “E tonu rei ko kee te Tama maori rei a Tupua!”

Tongoi rei ko Jesus, “Koratou si see fetau fangatasi ke oro: kotou maso kotou sori pe nia ma ratou ke kai.” Tongoi rei koratou, “A matou e fai a foi preti e rima ma foi ika e rua i kunei.”

Muna atu rei ko Jesus, “Sau mai ki kunei.” Muna atu rei koia ki te kano fenua ke fare ki raro kia mauku; koia ne sau koa foi preti e rima ma foi ika e rua, ono ki runga ki te vaerangi, ma ne iki arei o faka ue ue ki Tupua. Koia ne tofi tofi koa foi preti o sori ki na kau fanonga ke tuufaki ki te kano fenua.

Koratou kaatoa ne kkai, ne maakona rei. Tera na kau fanonga ne fao koa kete e fuanga furu ma rua e pii ia ratou tee kai.