Popular Bible Verses from John 4

Share

Tupua te Mauri, ta i te makeke o na Mauri te fenua ka ma fai ke fakaturou kia koia pe koia e tonu maori rei.”

Te vasia ka au, ma ku okotia rei i kunei, tera i te makeke o te Mauri o Tupua te fenua ka fakaturou ki te Mmana pe koia te maori, o aapai kia koia te fakaturou maori pe koia e fifia.

Kae tera pe koai ma ka inu ki te vai ka sori atu ea kuou kiei, ka see fia inu fokia rei. Taku vai ka sori kiei, ka puna ia koia te vai maori ki te ora mau.”

Tongoi atu rei ko Jesus, “Kae tera pe ko kee fuarei ke kee iroa ina pe nia ma Tupua e sori, ma pe koai raa e kaisi atu kia ko kee ke inu, ko kee ka kaisi kiei, koia ka soria atu kia ko kee te vai o te ora.”

Muna atu rei ko Jesus kia ratou, “Aku mo kai nei, ke kau tautari ki te fifia o Tupua koia ne kau mai kuou, ke faka suku suku te fainga fekau ne sori mai kia kuou ke fai.

Muna atu rei te maatua fafine, “Maurunga ee, ka ko kee rei siei se asu vai ma au, ma te nupu e mmao ki raro. Ko kee ka sau mai rei mai fea ko te vai o te ora?

Tera muna atu rei te maatua fafine kia Jesus, “Kuou e kau iroa te Ariki Fakaroro ka au. Vasia koia ka au iei, koia ka nai faka aria mai kia matou koa nea kaatoa.” Tongoi atu rei ko Jesus, “Kuou koia e araara atu kia ko kee nei.”

“Oomai, o ono ki te tangata ku nai faka aria mai kia kuou a nea katoa noko fai ea kuou. Naa pe koia te Ariki Fakaroro?”