Popular Bible Verses from Mapinda 3

Share

Muketekele Yawe na mutima obe onse, pasili kusintilila pa maano obe we mwine. Mu nzila yobe yonse, mumane wene, ni ye alikuolola nzila yobe.

Tekwimona we mwine kuba wali ni mulangue, mutiine Yawe ni kwikeka ku bubi.

Mukindike Yawe na bunonsi bobe, mukindike na ntomono ya mu buzombozi bobe bonse. Ni pakako, milue yobe yaakeezula, ni mitondo yobe yaakeezulamo divai ya lenu.

Ntono ni bukisinka tekuti bilekenkane nobe, bikakilile mu mukosi obe, bilembe pa kibao kya mu mutima obe.

We mwana wane, tekuleebula nsokezi yakua Yawe, kabili tekutoobolua lu-aliwakusasilila. Pantu muntu atonenue na Yawe aliwasokua, nga evelia mwana atonenue na se.

We mwana wane, tekuba walaba masambilizio ane, inzi sunga milao yane mu mutima obe. Pantu yakaba kuvuzia myaka ya bwikazi bobe, ni kukupeela mutende ni buyantanzi.

Lisyuko ku mwalalume aliwasanga mulangue, ni aliwainika. Pantu mulangue akilile bunonsi bwa mutofue, ni kibwezia kyakue kitanine kukila kibwezia kya oro. Mulangue ni wa mponvu kukila mabue a mutengo, ni byonse biuliwakeba tebivinda kulinghaniwako.

Tekukaana kupeela kiweme ku bantu bapalile, lu-ukili ni maka a kukita evio.

Kupitila mu mulangue, Yawe waabiikile biputa bya kyalo, ni mu kumana waimikile myulu.