Popular Bible Verses from Kufuma 32

Share

Bantu lubaamwene nangue Musa wakokola pasili kukooka kufuma ku lupili, baamukolonghaniine Haruni ni kumwana nangue, “Iza utukitile leza wakuti aye watutangiliile pantu ozu Musa wakitufumia mu kyalo kya Misri, tetumanine kyakimukitikila.”

Yawe waamwanine Musa nangue, “Lenga ukooke pantu bantu bobe baawafumiizie mu kyalo kya Misri babala kibalo kikata. Baba bantu baluba kale pantu balekela kukonka binaabaanine. Basungulula oro ni kwikitila mukisi wa nghombe musoka. Baupupa pamo ni ku-uwelela ngelelo balimukulanda nangue, ‘We Izraeli ozu i leza obe waakufumiizie mu kyalo kya Misri.’

Haruni lu-aamwene evio, waakuulile kitale ntanzi ya mukisi wa nghombe musoka. Waalandile nangue, “Lukeele kwakaba nsikunkulu yakua Yawe.” Lukeele lwakue baabuukile paakili lukeelekeele baya kwelela ngelelo ya kuzizia ni kutwala bupe bwa bupwanikizi. Bantu baikeele pansi kuti balie ni kumina. Pa kyamba, baabuukile ni kutendeka kukinda.

Lukeele lwakue Musa waabaanine Baizraeli nangue, “Mwakibala kibalo kikata. Inzi ndikuya paakale ku lupili kuli Yawe ngie n'mipaapaatile, pange kuti wamyeleela kibalo kyenu.”