Popular Bible Verses from Kufuma 3

Share

Leza waamwasukile Musa nangue, “Ndi olia Ndi. Evi i vyakuti uye ubaane Baizraeli nangue, ‘Olia aliwakuutua NDI i antumine kuli mwemue.’”

Leza waamwanine nangue, “Kisinka ndikuya nali pamo nobe. Kalangi kawakaba kusininkiziiziako nangue nkutumine ni kaka: Pa kyamba kya kufumia bantu mu Misri, mwakaba kun'mpupila pa lono lupili.”

Yawe waamwanine nangue, “Tekupalama pano. Vuula nkwabilo yobe, pantu wimeene pa kifuka kizuuke.”

Yawe waalandile nangue, “Namona lyemo lya bantu bane bali mu Misri, kabili naunvua malilo pa mulandu wa kwemiiwa na bakulu ba buzia. Kisinka nabonvwila nkumbu. Ni pakako, nakooka kuti n'mbapususie mu maboko a Bamisri, n'mbafumie mu kekio kyalo, n'mbasezie ni kubatwala mu kyalo kiweme kyatanine, kyalo kiizuzimo mabeele ni kapelo, momo mwikeele Bakanaani, ni Bahiti, ni Ba-amori, ni Baperizi, ni Bahivi, pamo ni Bayebusi.

Koko i kwaamumonekeele malaika wakua Yawe wali nga libeebe lya mulilo mu kavuule. Musa waakentele ni kupapa kumona kavuule kalimukuleema mulilo inzi tekuuba kazia.

Ni pakako, nakutuma kuli Farao kuti uye ufumie bantu bane, Baizraeli, kufuma mu Misri.”