Popular Bible Verses from Kufuma 16

Share

“Kansi Yawe nga waatwipaile sie mu kyalo kya Misri, koko kutwaali twaikeele twazyungulukiile mipika iizuzimo minofu ya nama, ni kulia bilio byonse bitwatonene kulia. Inzi evi mwakituleeta kono kufuma Misri kuti mwize mutwipaye na nzala mono mu kaseeba.” Yawe i lu-aamwanine Musa nangue, “Unvua, nakaba kuya nabanokiizia bilio kufuma mwiulu, evi kubalua busiku bantu bakabe kuya bafuma ni kutoolapo bilio bya kulia bobo busiku, pakuti nkabe kubeezia ni kumona kine kuti bakonka mizilo yane ao abe.

Lubaafikile mu kaseeba, baabambile kumwitendookela Musa ni Haruni balanda nangue

Kabili Musa waatwaliliile kulanda nangue, “Mwakaba kumona bulumba bwakua Yawe pa-akaba kumipeela munani wa kulia musita wa kyungulo, ni bilio bya kulia ni kwikuta musita wa lukeelekeele, pantu Yawe waunvua kwitendooka kwenu kumulimukumwitendookela. Ale fwefue tuli bani pakuti mutwitendookele? Mwemue mulimukwitendookela Yawe.”

“Nakyunvua kwitendooka kwa Baizraeli. Ale baane nangue kubalua kyungulo mwakaba kuya mwalia munani wa nama, ni kubalua lukeelekeele mwakaba kuya mwalia mikate. I pamwakaba kwinika nangue nene ndi Yawe Leza wenu.”