Popular Bible Verses from Римлыларга хат 8

Share

Белгәнебезчә, Аллаһыны яратучыларга, ягъни Аның нияте буенча чакырып алынган кешеләргә бар нәрсә файдага гына.

Иманым камилдер: ни үлем, ни яшәү, ни фәрештәләр һәм күктәге көчләр, ни хәзергесе, ни киләчәктә булачак нәрсәләр, ни кодрәтлеләр, ни югарыдагылар, ни түбәндәгеләр – бар кылынган нәрсәләрнең берсе дә безне Хакимебез Гайсә Мәсих аша Аллаһы күрсәткән мәхәббәттән аера алмас.

Шулай ук Рух та безгә ярдәмгә килә: без көчсез һәм нәрсә турында дога кылырга кирәклеген белмибез, сүз белән әйтеп бирә алмаслык көрсенүләр ярдәмендә безнең өчен Рух Үзе ялвара.

Әйтелгәннәргә өстәп тагын ни дияргә? Аллаһы безнең яклы икән, кем безгә каршы була ала?

Шулай итеп, Гайсә Мәсихнеке булганнарга хәзер хөкем карары янамый

Шул гөнаһлы табигатьләренә буйсынып яшәүчеләрнең фикерләре аларны үлемгә китерә, ә Аллаһы Рухы кушканча яшәүчеләрнең фикерләре аларга тормыш һәм тынычлык бирә.

Әмма безгә мәхәббәт күрсәтүче Затның ярдәме белән боларның һәммәсен тулысынча җиңеп чыгабыз.

Мин болай уйлыйм: безнең хәзер кичергән вакытлы газапларыбыз киләчәктә без ия булачак дан-шөһрәт белән чагыштырганда бернигә тормый.

Мәсих мәхәббәтеннән безне нәрсә аера алсын: михнәт яки газапмы, эзәрлекләү, ачлык яки ялангачлыкмы, хәвеф яки кылычмы?

Йөрәгебездә нәрсә ятканны белүче Аллаһыга Рухның теләге мәгълүм, чөнки Аллаһы сайлаган бәндәләр өчен Рух нәкъ Аллаһы Үзе теләгәнчә ялвара.

Күңелендә Аллаһы Рухы булган кешеләрнең һәммәсе – Аллаһы балалары.

Гөнаһлы табигатьләренә буйсынып яшәүчеләр – нәфесләре буенча, ә Аллаһы Рухы кушканча яшәүчеләр Рух теләге буенча фикер йөртә.

Аллаһы, Үз Углын кызганмыйча, Аны барыбыз хакына биргән икән, калган бар нәрсәне Углы белән бергә безгә бүләк итәр түгелме?

Аллаһы Рухы безнең рухыбыз белән бергә безнең Аллаһы балалары булуыбызны раслый. Әгәр без Аллаһы балалары икән, димәк, Аның варислары да һәм без Аның мирасын Мәсих белән бергә кабул итәбез. Мәсих белән бергә михнәт кичерәбез икән, Аның дан-шөһрәтен дә уртаклашачакбыз.

Шуңа күрә гөнаһлы табигатьләренә буйсынып яшәүчеләр – Аллаһының дошманы, чөнки алар Аның канунын санламыйлар һәм санлый да алмыйлар.

Аллаһы Үз балаларын дөньяга танытачак көнне бөтен әһле җиһан түземсезлек белән көтә.

Аллаһы тарафыннан яратылган һәр мәхлукның әлегәчә сыкрануын һәм бала тапкан хатындай газаплануын без беләбез.