Popular Bible Verses from Филиппуйлыларга хат 2

Share

Үз файдагызны кайгыртып, дан-шөһрәт артыннан кумагыз, киресенчә, күндәм булып, башкаларны үзегездән өстенрәк күрегез. Һәрберегез үзен генә түгел, башкаларны да кайгыртсын.

Фикер йөртүегез Гайсә Мәсихнекедәй булсын.

Табигате белән илаһи булса да, Аллаһыга тиң булуын Ул күрсәтергә омтылмады, бар нәрсәдән Үз теләге белән баш тартты – кеше табигате алып, кол кебек булды. Кеше кыяфәтендә яшәп, Үзен түбән куйды һәм хачтагы үлеменә кадәр Аллаһыга күндәм булды.

чөнки Аллаһы Үз ихтыяры белән теләгегезне уята һәм сезне гамәл кылырга да этәрә.

Шуңа күрә күктә, җирдә һәм җир астында булганнарның һәммәсе Гайсә исеме алдында тез чүксен, һәм Атабыз Аллаһының даны өчен һәрбер тел Гайсә Мәсихне Хаким буларак танысын дип, Аллаһы Аны барысыннан югарырак күтәрде, Аңа бөтен исемнәрдән бөегрәк исем бирде.

Һәр эшне зарланмыйча һәм бәхәсләшмичә башкарыгыз. Әнә шулвакыт азгын һәм бозык кешеләр арасында сез гаепсез, саф һәм Аллаһының кимчелексез балалары булып калырсыз. Кешеләргә Тормыш сүзен тәкъдим итеп, алар арасында күктәге йолдызлар кебек җемелдәп торыгыз. Шул очракта, Мәсих килгән көнне мин, тырышлыгым һәм хезмәтем юкка булмаган дип, горурлана алырмын.

Газиз дусларым, мин яныгызда чакта сез тыңлаучан идегез, ә хәзер, яныгызда булмаганда, сез бигрәк тә шундый булырга тиеш. Котылуыгыз хакына куркып һәм тетрәнеп хезмәтегезне ахыргача дәвам итегез