Popular Bible Verses from Маттай 15

Share

Ә менә кешенең теленнән төшкән сүз аның йөрәгеннән чыга – кешене әнә шул нәҗесли. Чөнки явыз ниятләр, кеше үтерү, зина кылу, фәхешлек, урлашу, ялган шаһитлык бирү, башкаларны яманлау адәм баласының йөрәгеннән чыга.

Кешене авызына кергән нәрсә нәҗесли алмый, ә бәлки авызыннан чыккан нәрсә нәҗесли, – диде.

«Бу халык Мине телдә генә хөрмәт итә, ә йөрәкләре исә Миннән ерак. Миңа табынулары да бушка: алар кеше уйлап чыгарган кагыйдәләргә өйрәтәләр».

Гайсә аңа: – И ханым! Ышануың көчле синең; теләгәнеңчә булсын, – диде, һәм хатынның кызы шундук савыкты.

Әмма хатын якынрак килде дә Гайсә каршында йөзтүбән капланып: – Әфәндем, ярдәм итче миңа! – диде. – Балалар кулыннан икмәкне тартып алып көчекләргә ташлау яхшы түгел, – дип җавап бирде аңа Гайсә. – Шулай, Әфәндем, – диде хатын, – ләкин көчекләр дә хуҗаларының өстәленнән коелган валчыкларны ашый бит.