Popular Bible Verses from Ягъкубның хаты 4

Share

Шулай икән, үзегезне Аллаһыга буйсындырыгыз. Иблискә каршылык күрсәтегез, һәм ул сездән качар.

Аллаһыга якынаегыз, шунда Ул да сезгә якынаер. Әй гөнаһлылар, кулларыгызны юыгыз! Әй икейөзлеләр, йөрәкләрегезне пакьләндерегез!

Раббы алдында буйсынучан булыгыз, һәм Ул сезне югары күтәрер.

Әмма Аллаһы бирә торган мәрхәмәт тагын да зуррак. Әнә шуңа күрә Язмада: «Аллаһы тәкәбберләргә каршы тора, ә тыйнак-күндәмнәргә мәрхәмәтен бирә», – дип әйтелгән.

Шулай итеп, яхшылык эшләргә тиешлеген белеп тә, аны эшләмәгән кеше гөнаһ кыла.

Сорап та ала алмыйсыз, чөнки үзегезгә ләззәт өчен, начар ният белән сорыйсыз.

И Аллаһыга тугры булмаган адәмнәр, гөнаһлы дөнья белән дуслашу – Аллаһыга каршы дошманлык икәнне белмисезмени? Шулай итеп, дөнья белән дус булырга теләүче кеше Аллаһыга дошман була.

Сез хәтта иртәгә тормышыгызда нәрсә буласын белмисез. Кыска вакытка күренеп алып, аннары юкка чыгучы томан кебек сез.