Popular Bible Verses from II Петернең хаты 3

Share

Кайберәүләр озакка сузылды дип исәпләсә дә, Раббы Үз вәгъдәсен үтәүне озаклатмый. Киресенчә, Ул сезгә зур сабырлык күрсәтә, чөнки беркемнең дә һәлак булуын теләми, бөтен кешенең тәүбәгә килүен көтә.

Сез, газиз дусларым, шуны онытмагыз: Раббы өчен бер көн – мең ел сыман, мең ел – бер көн сыман.

Хакимебез, Коткаручыбыз Гайсә Мәсих мәрхәмәтендә һәм Аны танып белүдә даими үсегез. Аңа бүген һәм мәңге дан булсын! Амин.

Әмма Раббы көне, карак сыман, көтмәгәндә килеп җитәр. Ул көнне күк гөмбәзе дөбердәп юкка чыгар, күк җисемнәре утта эреп таркалыр, җир дә, җир йөзендә кешеләр тарафыннан кылынгын гамәлләр дә фаш ителер.

Әгәр һәммә нәрсә шулай таркалачак икән, Аллаһы көнен көткәндә һәм ул көннең тизрәк килүе өчен хәлдән килгәннең барысын да эшләгәндә, тормышыгызның изге һәм Аллаһыга багланган булуы кирәк. Ул көнне күк янып юкка чыгар һәм кызулыктан күк җисемнәре эреп бетәр.