1
Mateus 5:15-16
The Bible in Sonsorolese
SOV
E tawol yalematara ebwe happuro lam eda itenango fari tapiye; bwa ebwe hädi eda itetahe uwawori räniyeri lam bwa labwe wele urutael marahara la mire niimwe. Ebwe weya sahü faülüri mena na welemi ra ebwe ttire imowael yalemat, bwa labwe käkäneni maho hara hau faülüüni lada hapingepinga Papami ra e mire weirengi.
Compare
Explore Mateus 5:15-16
2
Mateus 5:14
“Hau weya weledahi ifiri uruteri weidarop. E tawau süya bwa ebwe rulu wotawotara labwe faaülü wawo duhu.
Explore Mateus 5:14
3
Mateus 5:8
La hafaiyemau marahara e faheya tipael, bwa iile ra labwe käkäne Dios.
Explore Mateus 5:8
4
Mateus 5:6
La hafaiyemau marahara e taitei dewa ma faringörüngörüül bwa labwe faaülü na Dios e masariya, bwa Dios erau hariil uruteri na la masariye.
Explore Mateus 5:6
5
Mateus 5:44
Nga ngaangu ibwe hauhemi bwa haubwe hamamaüül lei ranaromi nga hau sipesipe hataingehiil marahara la hairamahami
Explore Mateus 5:44
6
Mateus 5:3
“La hafaiyemaü marahara la halofalofa tipael, bwa farüyael Farüyeri Weirengi!
Explore Mateus 5:3
7
Mateus 5:9
La hafaiyemau marahara la faülü marüyörüya, bwa Dios ebwe fadöngüngeriil bwa iile wonour.
Explore Mateus 5:9
8
Mateus 5:4
La hafaiyemau marahara la hasaüborü, bwa Dios ebwe hariil mahori faringörüngörüül!
Explore Mateus 5:4
9
Mateus 5:10
La hafaiyemau marahara la iram bwa la faaülü na Dios e masariye, bwa farüyael Farüyeri Weirengi.
Explore Mateus 5:10
10
Mateus 5:7
La hafaiyemau marahara la mäni fahöü, bwa Dios ebwe hariil mäni fahöü.
Explore Mateus 5:7
11
Mateus 5:11-12
“Hau hafaiyemau ifiri na yalemat labwe hamamari hemi nga la rihemi nga la faülüüni yael doutongi titiromi bwanasahü na hami lei tabwei. Ebwe maho faringörüngörümi nga hau hapingeping, bwa tarapari hafaiyemau ra e mire bwa hataingehimi ma weirengi. Iyer na e faülü yael hairamael profeta hawe imowami.
Explore Mateus 5:11-12
12
Mateus 5:5
La hafaiyemau marahara e tahitaro tipael, bwa labwe taliyael farüyeri yalemat!
Explore Mateus 5:5
13
Mateus 5:13
“Hau weya soolo iyoloil urutael sawori weidarop. Nga sahü nga eda tawolaraho na tatiri soolo, ira nga e tawol yarar na dibwe faaülü bwa ebwe para tati. Nga erau tawol nifaar lada peitawau ihitam, yalemat lada dulu.
Explore Mateus 5:13
14
Mateus 5:48
Hapaüpöüri na haubwe urut dewa ifiri maho eda weya Papami ra e mire weirengi ra e urut dewa ifiri maho.
Explore Mateus 5:48
15
Mateus 5:37
Haubwe dölü söhü bwa ‘Üngö’ hale ‘Naweri’. Dew titiro ma idelaye mere ra e bwitoho ma ifiri diabolo.
Explore Mateus 5:37
16
Mateus 5:38-39
“Hau da mori longolongo bwa la dölü bwa, ‘Maat parüyen maat, nga ngii parüyen ngii.’ Nga ngaangu ibwe hauhemi bwa ho tawai fahipeiye. Nga sahü nga yalemat e pilihi hurumalari tapamu, hobwe hariya bwa ebwe para pilihi layera hurusehiri.
Explore Mateus 5:38-39
17
Mateus 5:29-30
Nga sahü nga hurumalari matamu na e faaülüho bwa hobwe raho ifiri tammaü, ho watihawau hoda peitaraho! E fäli maho ra ebwe taimire dew pitehiri wori yaloyalomu ma ifiri ra uruteri na podumu ebwe püngütiwo farüyeriyefi. Nga sahü nga hurumalari paumu re e faaülüho bwa hobwe tammaü, ho hädi hoda dopiya hoda peitaraho! E fäli maho ra ebwe taimire palüül pitehitehiri wori yaloyalomu ma ifiri ra uruteri na podumu ebwe bwitiwo farüyeriyefi.
Explore Mateus 5:29-30
Home
Bible
Plans
Videos