Popular Bible Verses from रोमियो 5

Share

पण परमेसर म्हौ ऊपर अपणै परैम री भलाई इण रीत ऊं परगट करै है की जद म्हौ पापी ही हा तद मसीह नै म्हौरै लियै मरण रै लियै भेज्या।

अर आ आसा म्हौ नै निरास कोनीं होवण दैवै, क्यूंकै पवितर आतमा जिकौ म्हौ नै दियोड़ी है उणरै जरियै परमेसर रौ परैम म्हौरै मन में भर दियौ गियौ है।

इतौ ही कोनीं, म्हौ अपणै दुखौ में भी आंणंद लेवो हो। क्यूंकै म्हौ जांणौ हो, की दुख धीरज नै जनम दैवै है। अर धीरज ऊं चौखा गुण निकळै है। चौखा गुण आसा नै जनम दैवै है।

जद म्हौ विसवास ऊं धरमी ठैरौ, तो अपणै परभु यीसु मसीह रै जरियै परमेसर रै साथै मेल राखै, जिणरै जरियै विसवास रै खातर उण अनुग्रह तांई जिणमे म्हौ बण्या हो, उण तांई म्हौरी ओळखाण भी होई, अर म्हौ परमेसर री महिमा री आसा ऊपर घंमड करौ हो।

क्यूंकै जद म्हौ कमजोर ही हा, तो ठीक वगत माथै अधरमियों रै लिए मसीह नै आपरौ बलिदान दियौ।

क्यूंकै जद म्हौ उणरै लोई रै खातर धरमी हो गिया हो, तो उणरै जरियै परमेसर रै क्रोध ऊं जरुर बचाया जाओला।

क्यूंकै ज्यौ एक मिनख रै आग्या नीं मांनणै ऊं घणा लोग पापी ठैरया, व्यौंही एक मिनख रै आग्या मांनणै ऊं घणा लोग धरमी ठैरैला।

अर कैवल ओहीज कोनीं, पण म्हौ अपणै परभु यीसु मसीह रै जरियै परमेसर में मेळ मिलाप करनै उणमे आंणंद करौ हो।