Popular Bible Verses from फिलिप्पियो 3

Share

हे भाइयो, म्हैं ओ नीं कैवणौ चावूं के, म्हैं निसाणा माथै पोचगो हूं। पर ओ कैवणौ चावूं के, म्हैं लारली बातां भूल नै, मेनत ऊं निसाणे री तरफ दौड़ रियौ हूं। म्हैं उण निसाणे री तरफ दौड़तो जाऊं हूं, ताकी म्हैं वो इनाम पाऊं, जिण रै वास्तै परमेसर म्हनै यीसु मसीह खनै ऊपर बुलाया है।

म्हैं चावूं के में मसीह नै जांण लूं। म्हैं उणरै मरयोड़ा मे ऊं, पाछा जी उठणै री सगति नै हमजणी चावूं अर उणरै दुखौ नै झेलन, उणरी मौत में भागी होवणौ चावूं। जिण ऊं, म्हैं मरयोड़ौ मे ऊं पाछौ जीवतौ होयनै जिन्दगी पा सकूं।

इतौ ई नीं, म्हैं परभु यीसु मसीह रै आगै सगळै ग्यांन नै कीं फायदे रौ कोनीं हमजू हूं। म्हैं यीसु मसीह रै अलावा बाकी चीजों नै बगदो हमजू हूं। ताकी म्हैं मसीह नै पा सकूं।

पर जिण बातां नै म्हैं फायदे री हमजतो, उणौनै मसीह रै कारण की फायदे री कोनीं हमजू हूं।